Bütün xəbərlər
Daşıyıcılar Qırmızı dənizdəki husilərə görə Şimal Dəniz Marşrutuna alternativ axtarırlar
Tarix: 01-06-2024 16:05 | Bölmə: Manşet

Husilərin Qırmızı dənizdə gəmilərə hücumları daşıyıcıların Süveyş kanalı vasitəsilə yük daşımasını çətinləşdirib və onları Qərb üçün problem yarada biləcək Rusiya Arktikasında Şimal Dəniz Marşrutundan istifadə etmək barədə düşünməyə vadar edib, "Amerika" yazır.
Sabaha-inamla.az rus mətbuatına istinadən xəbər verir ki, Amerikanın “Foreign Policy” analitik jurnalının qeyd etdiyinə görə, yüklərin Qırmızı dəniz vasitəsilə daşınması variantı “bahalaşan xərclər və Husilərin dronları və raketlərinin hücumuna məruz qalmaq qorxusu səbəbindən” daha təhlükəli olur.
Onun sözlərinə görə, “bəzi yükgöndərənlər” Süveyş kanalına alternativ olaraq şimal marşrutundan istifadə etməyi düşünürlər.
Uzunluğu 5600 kilometr olan Şimal Dəniz Yolu Rusiyanın şimal sahilləri boyunca uzanır və Avropa və Uzaq Şərq limanlarını birləşdirir. Şimal Buzlu Okeanı indi sürətlə buzdan təmizlənir: Arktikada iqlim planetin digər ərazilərinə nisbətən 4 dəfə tez dəyişir.

Jurnal hesab edir ki, Şimal Dəniz Marşrutunun artan populyarlığı "aşkar problem yaradır" çünki gəmilər Rusiyadan icazə almalı və tranzit üçün pul ödəməli olacaqlar.
Ölkənin Qırmızı dəniz sahillərinin böyük hissəsinə nəzarət edən Yəmən husiləri daha əvvəl İsraillə əlaqəli gəmilərə hücum etmək niyyətində olduqlarını bildiriblər. Bundan sonra bəzi gəmiçilik şirkətləri Qırmızı dənizdə daşımaları dayandırmaq qərarına gəliblər.
Bir neçə gün əvvəl Şərqi İnkişaf Nazirliyinin rəhbərinin birinci müavini Hacıməhəmməd Hüseynov qeyd edib ki, bu ilin sonunadək Şimal dəniz yolunun şərq sektorunda - Laptev dənizi, Şərqi Sibir və Çukçidə ilboyu naviqasiya başlayacaq.
Mayın ortalarında “Rosatom” dövlət korporasiyasının baş direktoru Aleksey Lixaçev bildirmişdi ki, Rusiya və Çin arasında Şimal dəniz yolu ilə yükdaşımaların həcmi 2030-cu ilə qədər 20 dəfədən çox artaraq 50 milyon tona çata bilər.


Baxış sayı: 129


Bölməyə aid digər xəbərlər
18-07-2024, 09:10 Bayden koronavirusa yoluxub