13:19 / 22-06-2024
İki uşaq kanalda boğulub
Bütün xəbərlər
Lavrov Stoltenberqin səlahiyyətlərini aşdığına diqqət çəkib
Tarix: 27-05-2024 16:57 | Bölmə: Manşet

Kiyevin Qərb silahları ilə Rusiya ərazisinə endirdiyi zərbələrə qoyulan məhdudiyyətləri aradan qaldırmağa çağıran NATO-nun baş katibi Yens Stoltenberq öz səlahiyyətlərini açıq şəkildə aşıb.
Sabaha-inamla.az rus mətbuatına istinadən xəbər verir ki, bu fikri bazar ertəsi Rusiyanın xarici işlər naziri Sergey Lavrov deyib.
Diplomat Ukraynanın Qərbdən aldığı silahlarla Rusiya ərazisinə hücum etmək hüququnu bəyan edən alyans rəhbərinin bu cür məsuliyyəti üzərinə götürə və blok üzvləri adından danışa biləcəyinə şübhə etdiyini bildirib.
"Düşünürəm ki, o, səlahiyyətlərini aşdı", - Rusiya Xarici İşlər Nazirliyinin rəhbəri bildirib.
Lavrov əlavə edib ki, Stoltenberq dediyi sözlərə görə “artıq NATO üzvlərinin özləri tərəfindən mühasirəyə alınıb”.
Bundan əvvəl Yens Stoltenberq Ukrayna Silahlı Qüvvələrinin Rusiya ərazisinə zərbələr endirməsi üçün Ukraynanın Qərb silahlarından istifadəsinə qoyulan məhdudiyyətləri aradan qaldırmağa çağırıb. Onun sözlərinə görə, indi “Ukrayna tərəfi üçün özünü müdafiə etmək çətindir”.


Baxış sayı: 120


Bölməyə aid digər xəbərlər