Bütün xəbərlər
Toni Kroos: "Real Madrid"dəki bu maraqlı onilliyi heç vaxt unutmayacağam"
Tarix: 21-05-2024 20:39 | Bölmə: Manşet

"Real Madrid"in futbolçusu Toni Kroos peşəkar karyerasını bitirmək qərarını şərh edib.
 Sabaha-inamla.az rus mətbuatına istinadən xəbər verir ki, çərşənbə axşamı 34 yaşlı yarımmüdafiəçi Almaniyada iyunun 14-dən iyulun 14-dək keçiriləcək futbol üzrə Avropa çempionatından dərhal sonra karyerasını başa vuracağını açıqlayıb.
"17 iyul 2014-cü il, "Real Madrid"də təqdimat günümdür - həyatımı dəyişdirən an"-Kroos, Los Blancos mətbuat xidmətinin sitat gətirdiyi kimi deyib.

– Dünyanın ən güclü klubunda yeni həyatın başlanğıcı idi. 10 ildən sonra bu həyat sona çatır.
Bu həyəcanlı və uğurlu onilliyi heç vaxt unutmayacağam. “Real Madrid”in prezidenti Florentino Peresə və kluba təşəkkür etmək istəyirəm. Amma ilk növbədə, əziz fanatlar, ilk gündən son günə qədər göstərdiyiniz sevgi və dəstəyə görə sizə təşəkkür etmək istəyirəm.
Futbol karyeram bu yay Avro 2024-dən sonra başa çatacaq. Bayaq dediyim kimi, “Real” mənim son klubum olacaq”, - futbolçu sözlərini yekunlaşdırıb.
Kroos 2014-cü ilin yayında "Bavariya"dan transfer olunduqdan sonra "Real Madrid"in futbolçusu olub. Madrid klubunun tərkibində Toni bütün turnirlərdə 463 matçda iştirak edib, 28 qol vurub və 98 məhsuldar ötürmə verib. Yarımmüdafiəçinin Almaniya millisində də 108 oyun və 17 qolu var.
"Real Madrid"də keçirdiyi 10 mövsümdən çox alman 22 kubok, o cümlədən Çempionlar Liqası və İspaniya çempionatında dörd qələbə qazanıb. Toni Almaniya komandası ilə birlikdə 2014-cü ildə Braziliyada keçirilən dünya çempionatının qalibi olub.


Baxış sayı: 148


Bölməyə aid digər xəbərlər