Bütün xəbərlər
Stoltenberq: "Ukrayna uduzsa, onu bərpa etməyin mənası yoxdur"
Tarix: 13-05-2024 20:45 | Bölmə: Manşet


NATO-nun baş katibi Yens Stoltenberq bildirib ki, Ukrayna Rusiya ilə münaqişəni uduzsa, onu bərpa etməyin mənası yoxdur.
Sabaha-inamla.az rus mətbuatına istinadən xəbər verir ki, müharibə bitdikdən sonra Ukraynanın bərpasına gəlincə, ilk növbədə Kiyevin qalib gəlməsini təmin etməliyik. Stoltenberq NATO-nun gənclər sammitində deyib ki, əgər Ukrayna qalib gəlməsə, o zaman ölkəni yenidən qurmağa dəyməz.
Öz növbəsində Aİ diplomatiyasının rəhbəri Xosep Borrell bildirib ki, Kiyevə Qərb silahları verilməsə, Ukraynada müharibə iki həftəyə başa çatacaq. Ayova ştatından (ABŞ) respublikaçı senator Con Ernst hesab edir ki, Ukrayna ABŞ-ın Kiyevin hərbi yardım tələbinə gec cavab verməsi səbəbindən artıq məğlubiyyətə uğrayıb.
NATO-nun əsas vəzifəsi Kiyevi fasiləsiz olaraq silahla təmin etməkdir. Stoltenberq yekunlaşdırıb ki, NATO Ukraynanın müdafiə və təhlükəsizlik institutlarının bərpasında və onun alyansın tamhüquqlu üzvü olmasına kömək etməkdə mühüm rol oynayacaq.


Baxış sayı: 96


Bölməyə aid digər xəbərlər