Bütün xəbərlər
Kuleba NATO-nun Ukraynaya 100 milyard avroluq yardım fondu yaradacağına inanmır
Tarix: 04-04-2024 21:24 | Bölmə: Manşet

Ukraynanın xarici işlər naziri Dmitri Kuleba deyir ki, Kiyev rejimi Ukraynaya yardım fondunun yaradılmasını alqışlayır, lakin onun yaranma şansı yoxdur.
Sabaha-inamla.az rus mətbuatına istinadən xəbər verir ki, diplomatın qeyd etdiyinə görə, NATO ölkələri 500 milyon belə toplaya bilmir, ona görə də ildə 20 milyard tapmayacaqlar.
“Əgər hər bir NATO üzvünün maliyyələşmədə məcburi iştirakının düsturunu hesablamaq olarsa, bu ideyanın mövcud olmaq hüququ və həyata keçirilməsi şansı var”, - deyə, Kuleba Ukrayna mediasına müsahibəsində bildirib.
Xatırladaq ki, bundan əvvəl Şimali Atlantika Alyansının baş katibi Yens Stoltenberq Ukraynaya yardım fondunun yaradılması ideyası ilə çıxış etmişdi. Söhbət 5 il ərzində paylanan 100 milyard avrodan gedir.
Almaniyanın müdafiə naziri Boris Pistoriusun sözlərinə görə, Stoltenberqin ideyası müzakirəyə dəyər. Lakin bu fondu formalaşdırarkən ölkələrin artıq Ukraynaya xərclədiyi vəsaitləri nəzərə almaq mütləqdir.
Macarıstanın xarici işlər naziri Peter Szijyarto öz növbəsində bildirib ki, Macarıstan fondda iştirak etmək niyyətində deyil, çünki o, təxminən 10 milyard avro xərcləməli olacaq. Ölkə hökuməti vergi ödəyicilərinin pullarını Ukraynaya kömək etmək üçün xərcləməyə hazır deyil.


Baxış sayı: 84


Bölməyə aid digər xəbərlər