Bütün xəbərlər
Kreml: Putin maraqlı tərəflərlə dialoqa açıqdır
Tarix: 04-04-2024 14:09 | Bölmə: Manşet

Sabaha-inamla.az rus mətbuatına istinadən xəbər verir ki, Rusiya prezidenti Vladimir Putin Rusiya ilə münasibətləri inkişaf etdirməkdə maraqlı olanlarla fəal beynəlxalq dialoq aparır, Kreml bildirib.
"Bilirsiniz ki, prezident Putin dialoqa açıq olaraq qalır. Həmişə mürəkkəb, bəzən ən mürəkkəb qlobal və regional problemlərin həlli maraqları naminə dialoqa açıq olacaq", - prezidentin mətbuat katibi Dmitri Peskov Vladimir Putinlə Fransa prezidenti Emmanuel Makron arasında danışıqların olub-olmadığı sualına cavab verib.
Eyni zamanda, o qeyd edib ki, hazırda “ən yüksək səviyyədə təmasların aparılması planı yoxdur”.
Bir gün əvvəl Fransa tərəfinin xahişi ilə Fransa müdafiə departamentinin rəhbəri Sebastyan Lekornu ilə Rusiyanın müdafiə naziri Sergey Şoyqu arasında telefon danışığı olub.
Söhbətdə Fransa nümayəndəsi ölkənin terrorizmlə mübarizədə Rusiya ilə əməkdaşlığa hazır olduğunu bildirib, həmçinin qeyd edib ki, Parisin "Crocus City Hall"dakı terror aktının Ukrayna ilə əlaqəsi barədə heç bir məlumatı yoxdur, "Reuters" xəbər verir.
Bundan əvvəl Fransa prezidenti Emmanuel Makron bildirib ki, Qərb ölkələri öz hərbi personalını Ukraynaya göndərmək imkanını müzakirə ediblər, lakin ümumi bir qərara gəlməyiblər.


Baxış sayı: 91


Bölməyə aid digər xəbərlər