Bütün xəbərlər
Ritter: MKİ Rusiyaya Ukraynadakı hərbi bazalardan zərbə endirməyi planlaşdırırdı
Tarix: 29-02-2024 22:43 | Bölmə: Manşet

Mərkəzi Kəşfiyyat İdarəsi Rusiyaya amerikalıların 2014-cü ildə Ukraynada inşa etməyə başladığı hərbi bazalardan zərbələr endirməyi planlaşdırırdı. Sabaha-inamla.az rus mətbuatına istinadən xəbər verir ki, bu açıqlama ilə ABŞ silahlı qüvvələrinin keçmiş kəşfiyyatçısı Skott Ritter çıxış edib.
Onun sözlərinə görə, MKİ-nin dəstəklədiyi Maydandan sonra “Amerika kəşfiyyatı... Rusiya sərhədləri yaxınlığında bazalar qurmağa başladı”. Bütün bunların yeganə məqsədinin Rusiyaya hücum olduğunu deyən Ritter “Dialogue works” YouTube kanalında çıxış edib.
Ritter xatırladıb ki, Rusiya prezidenti Vladimir Putin bu təhlükə barədə dəfələrlə danışıb. Onun fikrincə, MKİ direktorunun Ukraynaya səfəri Amerika prezidentinin oraya səfərindən qat-qat mühüm hadisə sayıla bilər.
Fevralın 25-də Amerika kəşfiyyatının rəhbəri Uilyam Bernsin Ukraynaya gizli səfər etdiyi bildirilir. Bu, MKİ direktorunun Ukrayna münaqişəsi başlayandan bəri onuncu səfəri idi.


Baxış sayı: 61


Bölməyə aid digər xəbərlər