Bütün xəbərlər
"Handelsblatt": NATO Ukraynanın özünə yardımı koordinasiya etmək istəyir
Tarix: 09-02-2024 21:05 | Bölmə: Manşet

Almaniyanın “Handelsblatt” qəzeti mənbələrə istinadən yazır ki, Şimali Atlantika bloku Ukraynaya silah tədarükünü müstəqil şəkildə əlaqələndirmək istəyir.
Sabaha-inamla.az rus mətbuatına istinadən xəbər verir ki, nəşrin fikrincə, NATO-nun belə bir hərəkəti özünü ABŞ-da mümkün hakimiyyət dəyişikliyindən qorumağa kömək edəcək.
Alyansın rəhbərliyi hesab edir ki, Ramşteyn formatını NATO strukturlarına inteqrasiya etmək və bununla da özünü qorumaq məqsədəuyğundur. Bu ehtimal NATO-ya üzv ölkələr arasında bu həftə müzakirə edilib.
Handelsblatt vurğulayıb ki, Şimali Atlantika blokunda kursun əsaslı dəyişməsi baş verir, o, Ukraynaya yardımın koordinasiyasını öz üzərinə götürməyə hazırlaşır. Alyans Donald Trampın prezident seçkilərində qalib gələcəyi təqdirdə Vaşinqtonun Kiyevə silah tədarükünü davam etdirəcəyinə əmin deyil.
Bundan əvvəl NATO baş katibinin müavini Mirça Coana blok ölkələrində hərbi gücə investisiyaların artırılmasına çağırıb.



Baxış sayı: 49


Bölməyə aid digər xəbərlər
22-02-2024, 21:13 Putin Çuvaşiyaya gəlib