Bütün xəbərlər
Putin: "BƏƏ ərəb dünyasında bizim əsas ticarət tərəfdaşımızdır"
Tarix: 06-12-2023 15:45 | Bölmə: Manşet

Əbu-Dabiyə səfər edən Rusiya dövlət başçısı Vladimir Putin Rusiya ilə BƏƏ arasında münasibətlərin son illərdə görünməmiş yüksək səviyyəyə çatdığını bildirib.
Sabaha-inamla.az rus mətbuatına istinadən xəbər verir ki, Prezidentin sözlərinə görə, Birləşmiş Ərəb Əmirlikləri Moskvanın ərəb dünyasında əsas ticarət tərəfdaşına çevrilib. 2022-ci ildə iki ölkə arasında ticarət dövriyyəsi 67,7% artıb və 2023-cü ildə artımın daha da yüksək olacağı gözlənilir. İnvestisiyalar artır, sənaye kooperasiyası inkişaf edir, qaz və neft hasilatı sahəsində iri layihələrdə əməkdaşlıq edilir. BƏƏ prezidenti Məhəmməd bin Zayed Əl Nəhyanla görüşdə Putin əlavə edib ki, əlaqələr fəal şəkildə inkişaf edir və tarixi xarakter daşıyır. Rusiya prezidenti əlavə edib ki, Rusiya 2024-cü il yanvarın 1-dən BRİKS-in sədri olacaq və BƏƏ bu assosiasiyaya qoşulacaq. O, əmirli həmkarını Kazanda keçiriləcək BRİKS-in oktyabr sammitinə dəvət edib.
Prezidentlər həmçinin Fələstin-İsrail münaqişəsini, Suriya, Sudan, Yəmən və Ukraynadakı vəziyyəti müzakirə edəcəklər. Putinin bin Zayed Al Nahyan ilə görüşünün rəsmi hissəsini “Smotrim” media platforması və “Rossiya 24” telekanalı yayımlayıb. Rusiya və BƏƏ prezidentlərinin görüşündən sonra, Rusiya liderinin mətbuat katibi Dmitri Peskovun izah etdiyi kimi, birgə sənədlərin imzalanması planlaşdırılmır.
Rusiya prezidentinin təyyarəsi Əbu-Dabiyə gedərkən dörd "Su-35" qırıcısının müşayiəti ilə olub.


Baxış sayı: 64


Bölməyə aid digər xəbərlər
22-02-2024, 21:13 Putin Çuvaşiyaya gəlib