Bütün xəbərlər
Qəzza zolağında BMT-nin 111 əməkdaşı öldürülüb
Tarix: 04-12-2023 16:01 | Bölmə: Manşet

BMT-nin Fələstinli Qaçqınlara Yardım və İşlər üzrə Agentliyinin (UNRWA) Qəzza zolağında ölənlərinin sayı artıb.
Sabaha-inamla.az rus mətbuatına istinadən xəbər verir ki, oktyabrın 7-dən bəri BMT-nin 111 əməkdaşı öldürülüb. Bu yaxınlarda UNRWA əməkdaşları arasında daha üç itki var.
16 mindən çox insan İsrailin Qəzza zolağına endirdiyi zərbələrin qurbanı olub, 35 mindən çox insan isə yaralanıb. İsrail HƏMAS-ı atəşkəsi pozmaqda ittiham edib, girovların mübadiləsini dayandırıb və döyüşləri bərpa edib. HƏMAS 126 israilli və 11 əcnəbini girov götürüb. Bir həftə davam edən atəşkəs zamanı qaçırılan 110 nəfər azad edilib.
İsrail Qəzza zolağına 10 mindən çox hava zərbəsi endirib. İsrail ordusu Qəzza zolağının cənubunda sərt hərbi əməliyyata başlayıb.
Oktyabrın 7-dən İsraildə Qəzza zolağından raket hücumundan sonra 1200-ə yaxın insan həlak olub, 5 mindən çox insan yaralanıb, o cümlədən əcnəbilər.


Baxış sayı: 72


Bölməyə aid digər xəbərlər
22-02-2024, 21:13 Putin Çuvaşiyaya gəlib