Bütün xəbərlər
Kapitoliyə hücum: məhkəmə Trampın toxunulmazlıq hüququndan məhrum etdi
Tarix: 01-12-2023 22:09 | Bölmə: Manşet


Vaşinqton Apellyasiya Məhkəməsi 2021-ci il yanvarın 6-da Kapitoliyə hücumla bağlı ABŞ-ın keçmiş prezidenti Donald Trampı prezident toxunulmazlığının müdafiəsi hüququndan məhrum edib.
Sabaha-inamla.az rus mətbuatına istinadən xəbər verir ki, beləliklə, keçmiş Amerika prezidentinin təqsirləndirilən şəxs qismində cəlb olunduğu iş üzrə rayon məhkəməsinin oxşar qərarı təsdiqlənib.
Tramp və onun müdafiə komandası israr edir ki, Kapitol iğtişaşları zamanı onun prezident toxunulmazlığı var, çünki o, hələ dövlət başçısı idi. İttiham tərəfi iddia edir ki, Trampın hərəkətləri onun prezident səlahiyyətləri çərçivəsindən kənara çıxıb, ona görə də toxunulmazlıq nəzərə alınmamalıdır, RİA Novosti yazır.
İki həftə əvvəl Kolorado məhkəməsi Trampın yeni seçki kampaniyasında iştirak hüququnu təsdiq edib. Bununla belə, hakim eyni zamanda etiraf edib ki, keçmiş dövlət başçısı hakimiyyətin ABŞ prezidenti Co Baydenə verilməsinin qarşısını almaq üçün insanları qəsdən 2021-ci ildə Kapitoliyə basqın etməyə təhrik edib. Lakin hakimin sözlərinə görə, o, andını pozmayıb. Əvvəllər Minnesota və Miçiqan məhkəmələri Trampa qarşı oxşar qərarlar verib.
ABŞ-da növbəti prezident seçkiləri 2024-cü ilin noyabrında keçirilməlidir. Tramp Respublikaçılar Partiyasından namizəd kimi onlarda iştirak etmək niyyətindədir.




Baxış sayı: 72


Bölməyə aid digər xəbərlər
22-02-2024, 21:13 Putin Çuvaşiyaya gəlib