Bütün xəbərlər
Bayden deyib ki, israilli girovlar tezliklə evlərinə qayıdacaqlar
Tarix: 21-11-2023 21:16 | Bölmə: Manşet

Ağ Evdə çıxış edən ABŞ prezidenti Cozef Bayden Qəzza zolağında girovlarla bağlı vəziyyətin həll olunmağa yaxın olduğunu bildirib.
Sabaha-inamla.az rus mətbuatına istinadən xəbər verir ki, İsrail və HƏMAS azadlığa dair razılaşmaya yaxındırlar.
Bayden dinləyiciləri əmin edib ki, Vaşinqton Həmas və İsrail arasında münaqişədə saxlanılan israillilərlə bağlı danışıqlarda çox ciddi iştirak edir. Onların bəziləri tezliklə vətənə qayıdacaq, Ağ Ev rəhbəri bildirib.
"Biz indi çox yaxınıq, çox yaxınıq. Bu girovlardan bəzilərini tezliklə evə gətirə bilərik" deyə, Bayden vurğulayıb.
Daha əvvəl məlumat verilmişdi ki, hər iki tərəfin danışıqları rəsmi Qüdsdən təsdiq almalı olan ilkin razılığa gəlib.
Amerika mediası administrasiyadakı mənbələrinə istinadən, müqavilə çərçivəsində 50 israillinin (qadın və uşaq) 150 fələstinli ilə mübadilə ediləcəyini iddia edib. Mübadilə edilən girovların sayının dəyişməsi, eləcə də humanitar dəhlizlərin təşkili üçün atəşkəs elan edilməsi mümkündür.


Baxış sayı: 85


Bölməyə aid digər xəbərlər