Bütün xəbərlər
Buddist təşkilatın lideri Soka Qakkai Yaponiyada vəfat edib
Tarix: 18-11-2023 15:24 | Bölmə: Manşet

Yaponiyanın dini və ictimai xadimi, Buddist təşkilatının fəxri rəhbəri Soka Qakkai Daisaku İkeda vəfat edib.
Sabaha-inamla.az rus mətbuatına istinadən xəbər verir ki, onun 95 yaşı var idi. Bu barədə qurumun saytında məlumat verilir.
İkeda 2023-cü il noyabrın 15-nə keçən gecə Şinjuku bölgəsindəki evində vəfat edib. Onun dəfnində yalnız yaxın qohumları iştirak edib.
Daisaku İkeda 2 yanvar 1928-ci ildə anadan olub. O, 19 yaşında Soka Qakkaiyə (Dəyərlərin Yaradılması üzrə Yapon Cəmiyyəti, dünyəvi buddistlərin ən böyük yapon təşkilatı) qoşulmuş, 32 yaşında isə təşkilatın rəhbəri olmuş və 20 ilə yaxın bu təşkilata rəhbərlik etmişdir.
İkedanın təşəbbüsləri sayəsində Soka Qakkai xaricdə tanındı. O, xarici dövlətlərin rəhbərləri, o cümlədən SSRİ rəhbəri Mixail Qorbaçovla sıx əlaqə saxlayırdı. İşinə görə İkeda BMT-nin Sülh Mükafatına layiq görülüb.
2008-ci ildə İkeda Rusiya prezidenti Vladimir Putinin fərmanı ilə Rusiya-Yaponiya münasibətlərinin inkişafına, iki ölkə arasında əlaqələrin və mübadilələrin dərinləşməsinə verdiyi töhfəyə görə mükafatlandırılıb.


Baxış sayı: 107


Bölməyə aid digər xəbərlər