19:34 / 12-06-2024
ABŞ sanksiyalar tətbiq edib
Bütün xəbərlər
İsrail HƏMAS-ın Moskvaya səfərinə görə Rusiya səfirinə etiraz edib
Tarix: 29-10-2023 23:05 | Bölmə: Manşet

Rusiyanın Təl-Əvivdəki səfiri Anatoli Viktorov oktyabrın 29-da İsrail Xarici İşlər Nazirliyinə çağırılıb.
Sabaha-inamla.az rus mətbuatına istinadən xəbər verir ki, ona Fələstinin HƏMAS radikal hərəkatının nümayəndə heyətinin Moskvaya səfəri ilə bağlı etiraz edilib.
İsrail Xarici İşlər Nazirliyinin mətbuat xidmətinin məlumatına görə, Xarici İşlər Nazirliyinin baş direktorunun Avrasiya məsələləri üzrə müavini, səfir Simone Halperin səfirə izah edib ki, İsrail HƏMAS-ın hərəkətlərinin Moskva tərəfindən pislənməməsini “ciddi” hesab edir. Təl-Əvivə görə, o, “birmənalı və aydın” olmalıdır. Bundan əlavə, Rusiyanın beynəlxalq təşkilatlardakı hərəkətləri İsrail tərəfindən ciddi nəzarət altındadır.
İsrail Xarici İşlər Nazirliyi vurğulayıb ki, HƏMAS liderləri oktyabrın 7-də törədilən terror aktı, girov götürülməsi və 1400-dən çox israillinin öldürülməsinə görə birbaşa məsuliyyət daşıyırlar. RİA Novosti yazır ki, onların Rusiya paytaxtında qəbul edilməsi “israillilərə qarşı terroru qanuniləşdirmək” təəssüratı yaradır.
Hərəkatın Siyasi Bürosunun üzvü Əbu Mərzukun rəhbərlik etdiyi Həmas nümayəndə heyəti oktyabrın 26-da Moskvaya səfər edib. Nümayəndə heyətinin üzvləri Rusiya Xarici İşlər Nazirliyinin nümayəndələri ilə Fələstin problemini və bütün regionun və bəşəriyyətin gələcəyini, “Birləşmiş Ştatların çəkdiyi gələcəkdən fərqli olaraq” müzakirə ediblər”, - deyə, Marzuk bildirib.
O qeyd edib ki, indiki vəziyyətdə Moskvaya gəlmək dəvəti bütün dünyaya Rusiyanın Fələstin hərəkatını terrorçu deyil, azadlıq hesab etdiyi mesajı idi.


Baxış sayı: 119


Bölməyə aid digər xəbərlər