Bütün xəbərlər
Kreml Türkiyə müxalifətinin ittihamlarına cavab verib
Tarix: 13-05-2023 23:27 | Bölmə: Manşet


Rusiya Federasiyası Türkiyənin müxalif Cümhuriyyət Xalq Partiyasının sədri Kamal Kılıçdaroğlunun Rusiyanın bu ölkədə keçirilən prezident seçkilərinə guya müdaxiləsi ilə bağlı ittihamlarını qəti şəkildə qəbul etmir.
Sabaha-inamla.az rus mətbuatına istinadən xəbər verir ki, Rusiya prezidentinin sözçüsü Dmitri Peskov “Bundan söhbət gedə bilməz” deyib.
Peskov Kılıçdaroğlunun Rusiyanın Türkiyədə keçirilən prezident seçkilərinə müdaxiləsinə dair dəlilləri olduğunu, lakin indiyə qədər təqdim etmədiyini deməsinə də diqqət çəkib.
"Biz əminik ki, o, bunu edə bilməyəcək, çünki onlar əslində yoxdur", - TASS Kreml sözçüsündən sitat gətirib.
Daha əvvəl Peskov etiraf etmişdi ki, Türkiyə müxalifətinin lideri çaşdırıla bilər və bunu yalançılar edib.
O, həmçinin qeyd edib ki, Rusiya Türkiyə ilə ikitərəfli münasibətləri yüksək qiymətləndirir və onu korlaya biləcək heç bir iş görməyəcək.
Türkiyədə prezident və parlament seçkiləri mayın 14-nə təyin edilib. Üç nəfər prezidentlik uğrunda mübarizə aparır: hazırkı prezident Rəcəb Tayyib Ərdoğan, müxalifətdəki Xalq Alyansının vahid namizədi Kamal Kılıçdaroğlu və Ata ittifaqının namizədi Sinan Oğan.

Peskov Rusiyanın türk xalqının seçiminə hörmətlə yanaşacağını bildirib.


Baxış sayı: 195


Bölməyə aid digər xəbərlər