Bütün xəbərlər
Türkiyə sanksiyalara məruz qalan malların Rusiyaya tranzitinə qadağa qoyub
Tarix: 10-03-2023 23:19 | Bölmə: Manşet

Sabaha-inamla.az rus mətbuatına istinadən xəbər verir ki, Türkiyə hakimiyyəti anti-Rusiya sanksiyalarına məruz qalan malların ölkə ərazisindən tranzitini dayandırmaq qərarına gəlib. "Bloomberg" Türkiyənin adının açıqlanmayan yüksək rütbəli rəsmisinə istinadən xəbər verir ki, sərəncam martın 1-dən qüvvədədir.
Bundan əvvəl Rusiya logistika şirkətlərinin nümayəndələri Türkiyənin öz ərazisindən Rusiyaya gedən sanksiya yüklərinin tranzitini dayandırmasından şikayət etməyə başlayıblar. Onlar bildiriblər ki, Türkiyə gömrükxanası sanksiyalar tətbiq edən ölkələrdən gələn malları Rusiya Federasiyası üçün bloklayır və qeyri-müəyyən müddətə xüsusi anbarlarda saxlayır.
Rusiya Federasiyasının Ankaradakı səfirliyi və ticarət nümayəndəliyi bir sıra Rusiya şirkətlərinin Türkiyədəki ticarət əməliyyatlarının qeydiyyatı ilə bağlı problemlərin səbəblərini aydınlaşdırmaqla məşğul olub. Logistika şirkətləri isə tranzitə yenidən icazə veriləcəyinə ümid edirlər, lakin eyni zamanda onun digər ölkələr vasitəsilə həyata keçirilməsi imkanlarını da nəzərdən keçirirlər.
Bu arada, yüksək səviyyəli bir avropalı diplomat "Bloomberg"-ə daha əvvəl demişdi ki, Rusiya Aİ və G7 sanksiyalarından uğurla yan keçməyə çalışır. Onun sözlərinə görə, Rusiya idxalı bütövlükdə demək olar ki, 2020-ci ilin səviyyəsinə qayıdıb və bir sıra sanksiya tətbiq olunan mallar Türkiyə, Birləşmiş Ərəb Əmirlikləri və Qazaxıstan kimi üçüncü ölkələr vasitəsilə Rusiyaya çatdırılır.


Baxış sayı: 108


Bölməyə aid digər xəbərlər