Bütün xəbərlər
Qar uçqunu nəticəsində xəsarət alıblar
Tarix: 01-02-2023 17:40 | Bölmə: Manşet


Hindistanın Kəşmirdəki Gülmarq xizək kurortunda qar uçqunu nəticəsində 8 rusiyalı yaralanıb.

Sabaha-inamla.az rus mətbuatına istinadən xəbər verir ki, qəza yerində olan iki polşalı xizəkçi qarın altında qalaraq ölüb.
TASS-ın məlumatına görə, xəsarət alan rusların ciddi xəsarətləri yoxdur. İndi onlar müayinə üçün tibb müəssisəsindədirlər. Himalay dağ-xizək kurortunda fövqəladə vəziyyət çərşənbə günü baş verib.
"Associated Press"-in məlumatına görə, Kəşmirdən olan 21 əcnəbi və iki bələdçi qar uçqunu altında qalıb. Xəbər agentliyi qeyd edir ki, Kəşmirdə qar uçqunları və torpaq sürüşmələri adi haldır. 2010-cu ildə Hindistan ordusunun Gülmarqdakı yüksək hündürlükdəki hərbi məktəbində məşq zamanı qar uçqunu nəticəsində azı 17 hind əsgəri həlak olub.


Baxış sayı: 104


Bölməyə aid digər xəbərlər