Bütün xəbərlər
NATO AWACS təyyarələrini Rusiya sərhədinə yerləşdirib
Tarix: 17-01-2023 22:21 | Bölmə: Manşet


Rumıniyanın "PROTV News" telekanalı xəbər verir ki, NATO-ya məxsus üç ilkin xəbərdarlıq və nəzarət təyyarəsi (AWACS) Rumıniyanın paytaxtı Buxarest yaxınlığındakı Otopeni aviabazasına çatıb və onlar Rusiya hərbi aviasiyasının hərəkətlərini izləməyə başlayacaqlar.
Sabaha-inamla.az rus mətbuatına istinadən xəbər verir ki, NATO Birgə Hərbi Hava Qüvvələri Komandanlığı qeyd etməsinə görə, təyyarə alyansın Cənub-Şərqi Avropada gücləndirilmiş mövcudluğunu təmin edəcək və Rusiyanın hərbi hərəkətlərinə nəzarət edəcək. Tapşırıq bir neçə həftə üçün nəzərdə tutulmuşdur.
NATO-nun sözçüsü Oana Lungesku, "AWACS təyyarələri yüzlərlə kilometr uzaqlıqdakı təyyarələri aşkarlaya bilir və bu, onları NATO-nun əsas çəkindirici və müdafiə vasitəsinə çevirir" deyib.
AWACS təyyarələri 14 AWACS təyyarəsinin yerləşdirildiyi Geilenkirchendəki (Almaniya) aviabazadan Rumıniyaya yerləşdirilib.
2022-ci ilin fevral ayından etibarən NATO-nun AWACS təyyarələri Rusiya, Belarus və Ukraynada Rusiya döyüş təyyarələrini izləyərək Şərqi Avropa və Baltik dənizi üzərində müntəzəm patrul xidməti həyata keçirir.


Baxış sayı: 91


Bölməyə aid digər xəbərlər