Bütün xəbərlər
Litva "Lukoil" şirkətinin Kalininqrad vilayətinə yük daşınmasını dayandırdı
Tarix: 21-11-2025 19:19 | Bölmə: Karusel

Dövlət müəssisəsi olan Litva Dəmir Yolları Rusiyanın neft şirkəti "Lukoil" yüklərinin Kalininqrad vilayətinə tranzitini dayandırdığını açıqladı.
Sabaha-inamla.az rus mətbuatına istinadən xəbər verir ki, bu qərar ABŞ və Böyük Britaniyanın "Lukoil" şirkətinə qarşı sanksiyalarının tətbiqinə cavab olaraq verilib.
Litva şirkətinin veb saytında dərc olunmuş açıqlamada deyilir: "21 noyabrdan etibarən "Lukoil" və onunla əlaqəli şirkətlərin yükləri - neft və neft məhsulları - Rusiyadan Kalininqrada dəmir yolu ilə tranzit olaraq daşınmayacaq".
23 oktyabrda ABŞ Rosneft, "Lukoil" və onların törəmə şirkətlərinə qarşı məhdudlaşdırıcı tədbirlər də daxil olmaqla, Rusiya əleyhinə yeni sanksiyalar paketini elan etdi. Bundan sonra "Lukoil" şirkətinin beynəlxalq aktivlərinin satışı ilə bağlı potensial alıcılarla danışıqlar apardığı məlum oldu.



Baxış sayı: 26


Bölməyə aid digər xəbərlər