Bütün xəbərlər
Yol polisi əməkdaşlarının avtomobili odlu silahla saxlaması nəticəsində yeniyetmə yaralanıb
Tarix: 31-08-2025 19:21 | Bölmə: Karusel

Tatarıstanda yol polisi əməkdaşlarının avtomobili odlu silahla saxlamağa cəhd etməsi nəticəsində 15 yaşlı yeniyetmə yaralanıb.

Sabaha-inamla.az rus mətbuatına istinadən xəbər verir ki, bu barədə vilayət prokurorluğu məlumat yayıb.
Hadisə ötən gün axşam saatlarında baş verib. Buqulma şəhərinin küçələrində patrul xidməti aparan yol polisi əməkdaşları yolda qəzalı vəziyyət yaradan və dəfələrlə dayanma tələblərinə məhəl qoymayan “VAZ-2114” markalı avtomobili müşahidə ediblər.
"Sürücü heç bir reaksiya verməyib və qaçmağa çalışıb. Təqib zamanı asayiş keşikçisi xidməti silahından əvvəlcə xəbərdarlıq atəşi ilə, sonra isə nişanlı atəşlə istifadə edib və avtomobili zədələyərək dayandırmağa məcbur edib", - prokurorluğun Telegram kanalında yaydığı məlumatda deyilir.
İki azyaşlı qaça bilib, 2010-cu il təvəllüdlü sərnişin xəsarət alaraq xəstəxanaya yerləşdirilib.
Faktla bağlı prosessual araşdırma aparılıb. Bütün hallar müəyyən edilir. Vəziyyət prokurorluğun nəzarətindədir.



Baxış sayı: 37


Bölməyə aid digər xəbərlər