Bütün xəbərlər
Uşakov: "Tramp sentyabrın 3-də Çində olmayacaq"
Tarix: 29-08-2025 18:19 | Bölmə: Karusel

ABŞ prezidenti Donald Tramp sentyabrın 3-də Pekində İkinci Dünya Müharibəsinin başa çatması və militarist Yaponiya üzərində qələbə münasibətilə keçiriləcək bayram tədbirində iştirak etməyəcək.

Sabaha-inamla.az rus mətbuatına istinadən xəbər verir ki, bu barədə jurnalistlərə Rusiya prezidentinin xarici siyasət məsələləri üzrə köməkçisi Yuri Uşakov məlumat verib.
O, yaxın vaxtlarda Çinə səfər edəcək, burada təntənəli tədbirlərdə və Şanxay Əməkdaşlıq Təşkilatının (ŞƏT) sammitində iştirak edəcək Rusiya lideri Vladimir Putinin proqramı barədə danışıb. Uşakov bildirib ki, Putin Pekində keçirilən paradda Çin sədri Si Cinpinin sağında oturacaq.
“Mən sentyabrın 3-də paradda və (təntənəli) şam yeməyində iştirak edəcək hər kəsin adını çəkmədim, lakin cənab Tramp onların arasında deyil”, - Rusiya prezidentinin köməkçisi bildirib.
Bir müddət əvvəl "Moskva. Kreml. Putin" verilişinin müəllifi və aparıcısı Pavel Zarubinə müsahibə verən Uşakov bildirib ki, Putinin Çinə səfəri 4 gün davam edəcək və bu, çox nadir hallarda baş verir.



Baxış sayı: 42


Bölməyə aid digər xəbərlər