Bütün xəbərlər
72 miqrant üçün qondarma qeydiyyat verib
Tarix: 04-07-2025 09:14 | Bölmə: Karusel

Kamçatkada 72 Özbəkistan vətəndaşını öz mənzilində qanunsuz qeydiyyata salan yerli sakinə qarşı cinayət işi açılıb.
Sabaha-inamla.az rus mətbuatına istinadən xəbər verir ki,  Rusiyanın Kamçatka diyarı üzrə Daxili İşlər Nazirliyinin TASS-a verdiyi məlumata görə, təqsirləndirilən şəxs əvvəllər narkotik alverinə görə məhkum olunmuş, Petropavlovsk-Kamçatski şəhərinin 33 yaşlı işsiz sakini olub. Polisin bildirdiyinə görə, o, əcnəbilərə faktiki olaraq yaşayış yeri ilə təmin edə bilməsə də, öz mənzilinə qondarma qeydiyyat verib.
İş Rusiya Federasiyası Cinayət Məcəlləsinin 322.3-cü (Rusiya Federasiyasında olduğu yerdə xarici vətəndaşın qondarma qeydiyyatı) ilə açılıb. Bu maddə üzrə maksimum cəza 5 ilə qədər həbsdir.
Hazırda qeydiyyatda olan əcnəbilər arasında miqrasiya qaydalarını pozan şəxslərin olub-olmaması müəyyən edilir.



Baxış sayı: 28


Bölməyə aid digər xəbərlər