Bütün xəbərlər
Moskvada Rusiya Dövlət Kitabxanasının damında alovlanma qeydə alınıb
Tarix: 05-04-2025 21:11 | Bölmə: Karusel

 Moskvanın mərkəzindəki Rusiya Dövlət Kitabxanasının damında tüstülənmə qeydə alınıb. 
Sabaha-inamla.az rus mətbuatına istinadən xəbər verir ki, hazırda dam örtüyü açılır.
Yanğınsöndürmə və xilasetmə bölmələri Moskvanın mərkəzində, Vozdvijenka küçəsi, 3/5 ünvanında yerləşən binanın damında baş verən yanğınla bağlı məlumatları yoxlayır.
Xilasedicilər üçmərtəbəli inzibati binanın dam örtüyünün alışıb yandığını aşkar ediblər. Bu barədə Fövqəladə Hallar Nazirliyinin Baş İdarəsi özünün Telegram kanalında məlumat yayıb.
"Yanğınsöndürənlər obyektin damında kəşfiyyat aparmaq üçün qaldırıcı mexanizm quraşdırıblar", - məlumatda deyilir.
Hadisə yerində Rusiya Fövqəladə Hallar Nazirliyinin 49 nəfəri və 13 texnikası işləyir. Ölən və yaralananlar barədə məlumat yoxdur.



Baxış sayı: 33


Bölməyə aid digər xəbərlər