Ermənistan ordusunun Azərbaycanın ikinci şəhəri olan Gəncəyə raket hücumu nəticəsində həlak olanlar və yaralananlar var.
AZƏRTAC xəbər verir ki, bu barədə Yaponiyanın nüfuzlu JIJIP RESS agentliyi məlumat yayıb. Məlumatda Azərbaycan Xarici İşlər Nazirliyinin “Twitter” səhifəsinə istinadla bildirilir ki, hücum nəticəsində 10 nəfər ölüb, daha 33 nəfər yaralanıb.
Ermənistanla Azərbaycan arasında Dağlıq Qarabağ regionuna görə davam edən hərbi əməliyyatlarda əldə edilən razılaşma əsasında oktyabrın 10-dan atəşkəs rejimi tətbiq olunsa da bunun tezliklə ləğvinin gözlənildiyi yazıda əksini tapıb.