Bütün xəbərlər
Bayden bir sıra anti-Rusiya sanksiyalarını bir il müddətinə uzadıb
Tarix: 09-04-2024 22:59 | Bölmə: Dünya

ABŞ prezidenti Co Bayden Rusiyaya qarşı sanksiyalar rejiminin bir il uzadıldığını açıqlayıb.
Sabaha-inamla.az rus mətbuatına istinadən xəbər verir ki, dövlət başçısı bunu Rusiya Federasiyasının xaricdə həyata keçirdiyi iddia edilən “zərərli fəaliyyət”lə əsaslandırıb.
Bu barədə sənəd Ağ Evin saytında dərc olunub. Orada qeyd olunan məhdudlaşdırıcı tədbirlər Vaşinqton tərəfindən 2021-ci ilin aprelində Moskvanın “zərərli xarici fəaliyyəti” ilə əlaqədar tətbiq edilib.
Bu sanksiyaların məqsədinin ABŞ-ın “milli təhlükəsizliyi, xarici siyasəti və iqtisadiyyatı üçün qeyri-adi və fövqəladə təhlükə ilə mübarizə” olduğu bildirilir.
Bayden ABŞ və digər ölkələrdə seçkilərə təsir etmək cəhdlərini, kiberhücumları və beynəlxalq hüquq prinsiplərinə əməl etməməyi “zərərli fəaliyyət” nümunələri kimi göstərib.
Martın sonunda ABŞ Rusiya, Kipr, Estoniya və BƏƏ-dən olan 18 şirkətə qarşı sanksiya tətbiq edib.


Baxış sayı: 85


Bölməyə aid digər xəbərlər