Azərbaycan Milli Mətbuatının yaranmasından 146 il ötür-AZƏRBAYCAN İLAHİYYAT İNSTİTUTU MEDİA NÜMAYƏNDƏLƏRİNİ MÜKAFATLANDIRDI
Tarix: 22-07-2021 19:31 | Bölmə: Sosial


Azərbaycanda milli mətbuatın, Ana dilində ilk qəzetin nəşrə başlamasının 146 ili tamam olur. Görkəmli ziyalı və maarifçi-publisist Həsən bəy Zərdabinin 22 iyul 1875-ci ildə Azərbaycan dilində nəşr etdirdiyi “Əkinçi” qəzeti ilə əsası qoyulmuş Azərbaycan Milli Mətbuatı bütün dövrlərdə həqiqət carçısı olmuş, cəmiyyəti düşündürən problemləri, dövrün mütərəqqi ideyalarını əks etdirmiş, xalqımızın maariflənməsində, milli və bəşəri dəyərlərin təbliğində mühüm rol oynamışdır.
Müxtəlif tənəzzül və intibah dövrləri keçən Azərbaycan Milli Mətbuatı
cəmiyyətin proseslərə baxışını əks etdirməyi bacarmışdır.
Müstəqilliyimizin ilk dövrlərindən mətbuat və söz azadlığı, kütləvi
informasiya vasitələrinin maddi-texniki bazasının möhkəmləndirilməsi
istiqamətində ardıcıl tədbirlər həyata keçirilib. Ulu öndər Heydər Əliyev hər zaman mətbuatın cəmiyyətə təsir gücünü yüksək qiymətləndirib. Təsadüfi deyil ki, Azərbaycan mətbuatı ilə bağlı ilk fərmanı da ümummilli lider Heydər Əliyev imzalayıb. Ulu öndər Heydər Əliyevin 1998-ci il 16 avqust tarixli “Azərbaycan Respublikasında söz, düşüncə və informasiya azadlığının təmin edilməsi tədbirləri haqqında” fərmanı ilə ölkədə kütləvi informasiya vasitələri üzərində senzura ləğv edilib. Bu fərman kütləvi informasiya vasitələrinin sürətli inkişafına ciddi təkan verməklə yanaşı, onların rasionallığının artırılması sahəsində geniş Dövlət Proqramının əsas istiqamətlərini müəyyən edib. Ümummilli lider Heydər Əliyev “Bizim ümumi məqsədimiz mətbuata daha çox azadlıq vermək, söz azadlığını daha geniş təmin etmək, Azərbaycanda demokratiyanı bütün sahələr üzrə inkişaf etdirməkdən ibarətdir” söyləməklə, açıq sözün, həqiqəti əks etdirən informasiyaların tərəfdarı, mətbuat azadlığının qarantı olduğunu bəyan edib.
Heydər Əliyev siyasi kursunun uğurlu davamçısı Azərbaycan Respublikasının Prezidenti cənab İlham Əliyevin azad medianın inkişafı sahəsində gördüyü tədbirlər hüquqi dövlətin və vətəndaş cəmiyyətinin inkişafına da əsaslı təsirini göstərməkdədir.
Prezident İlham Əliyevin mətbuatın inkişafı, jurnalistlərin rifahı naminə atdığı addımlar, kütləvi informasiya vasitələrinə dəstək, media işçilərinin sosial müdafiəsinin gücləndirilməsi tədbirləri, həmçinin Milli Mətbuatın inkişafındakı xidmətlərinə görə jurnalistlərin fəxri adlarla təltif edilməsi mətbuata qayğının bariz nümunəsidir.
Hazırda respublikada müxtəlif qəzet və jurnallar nəşr olunur, internet
qəzetçilik fəaliyyət göstərir. İnformasiya texnologiyalarının inkişafı ilə Azərbaycan mətbuatı qlobal məlumat mühitinin müəyyənləşdirdiyi fəaliyyət prinsiplərinə uyğunlaşaraq tərəqqi etməkdədir.
Qeyd etmək istərdik ki, ölkəmiz 44 günlük Vətən Müharibəsində döyüş
meydanında olduğu kimi, informasiya savaşında da qələbə qazanıb. Media
nümayəndələri həm haqlı savaşımızı işıqlandırmağa çalışdılar, həm də səfərbərlik çərçivəsində ön cəbhədə torpaqlarımızı qorudular.
Azərbaycan İlahiyyat İnstitutu fəaliyyətə başladığı vaxtdan etibarən, kütləvi informasiya vasitələri ilə əlaqələrini inkişaf etdirir. Vətənpərvərlik hisslərinin aşılanmasında, milli və ümumbəşəri, o cümlədən multikultural dəyərlərin, dini sabitliyin, tolerantlığın qorunmasında və təbliğində media nümayəndələri vəzifələrinin öhdəsindən layiqincə gəlirlər.
Milli Mətbuatın yaranmasının 146 illiyi münasibətilə Azərbaycan İlahiyyat
İnstitutu da ali təhsil müəssisəsinin fəaliyyətini obyektiv işıqlandıran, fəallığı ilə seçilən mətbuat nümayəndələrini təbrik edib.

Sabaha-inamla.az















Baxış sayı: 57


Bölməyə aid digər xəbərlər