Atdığı hər addımla uğur qazanan məktəbli
Tarix: 17-06-2021 03:17 | Bölmə: Sosial

Hər insan kəşf edilməyi gözləyən bir xəzinədir. Yetər ki, insan öz üzərində çalışsın. Sizə Bakı şəhəri Sabunçu rayon Bilgəh qəsəbəsi Telman İsgəndərov adına 142 nömrəli tam orta məktəbin 3-cü sinif şagirdi Zeynallı Tural İsa oğlu haqqında danışacağam. Ziyalı ailəsində böyüyən Tural orta məktəbdə bütün fənləri maraqla öyrənir, uşaq yaşlarından elmi dərindən mənimsəməyə çalışmışdır. Dərslərini müvəffəqiyyətlə öyrənməsi müəllimlərin və məktəb rəhbərlərinin diqqətindən qaçmır. Yaşıdlarından düşüncə tərzi , davranışı,fəaliyyəti ilə fərqlənən Tural bir çox müsabiqələrə iştirak edir. Təhsil Nazirliyi Bakı şəhər Təhsil idarəsi tərəfindən keçirilən "Oxu və əylən " müsabiqəsində Tural "Tütək səsi" nağılı ilə 2-ci yeri tutur. Daha sonra isə Beynəlxalq "Əziz Şuşa ,sən azadsan! Əziz Şuşa , biz qayıtmışıq!" müsabiqəsində isə özü yazdığı "Şuşa" şeiri ilə 3-cü yeri tutur. Sabunçu rayonu ümumtəhsil məktəbləri arasında təşkil olunan "Azərbaycan Dövlət Himninin sözlərindən ibarət şeir müsabiqəsi"ndə 3-cü yeri tutaraq diplomla təltif olunur.

                       
Tural bütün bunlarla kifayətlənmir, yenidən uğurlara imza atmağa davam edir. Azərbaycan Gənclər İttifaqı , Azərbaycan Rəqs Assosiasiyası, Azərbaycan İncəsənət və Mədəniyyət Birliyi tərəfindən təşkil olunan Beynəlxalq "Art Olimpia "müsabiqəsində sözləri özünəməxsus olan "Qarabağ Azərbaycandır!" şeri ilə 1-ci yeri, Mehmet Akif Ersoya məxsus "İstiqlal marşı " şeri ilə isə 2-ci yeri tutur. Turalın Azərbaycan dili ilə yanaşı İngilis dilinə də marağı çoxdur. Tural " The star pen award " müsabiqəsində özünün yazdığı "I grow up " şeri ilə çıxış edir. 15 iyun tarixində Sabunçu rayon Kiçik Akademiyaları tərəfindən keçirilən Hesabat tədbirində Tural Zeynallı "My success story " təqdimatı ilə çıxış edir. Onun çıxışı Sabunçu rayon məktəbləri və Kiçik Akademiya rəhbərliyi tərəfindən rəğbətlə qarşılanır. 9 yaşlı Tural Zeynallı atdığı hər addımla uğur qazanır. Onun şeir yazmağa və musiqiyə böyük marağı da vardır. Tural Zeynallı bu il Bakı şəhəri Sabunçu rayonu Bilgəh qəsəbəsi 27 nömrəli musiqi məktəbinin Fortepiano ixtisasına qəbul olmuşdur. Onun bir devizi vardır. Hər uğur yalnız əziyyətlə əldə olunur. Turalın ən böyük arzusu Azərbaycan Diplomatik Akademiyasında təhsil almaqdır. Tural Zeynallı Bakı şəhəri Sabunçu rayon Bilgəh qəsəbəsi Telman İsgəndərov adına 142 nömrəli tam orta məktəbin direktoru Gülnaz Abdullayeva tərəfindən məktəbi müsabiqələrdə uğurla təmsil etdiyi üçün "Tərifnamə" də almışdır. Ona təhsilində uğurlar və yeni-yeni nailiyyətlər əldə etməsini arzu edirik!

Sabaha-inamla.az






















Baxış sayı: 63


Bölməyə aid digər xəbərlər