“Qarabağ Azərbaycandır!” futbol turniri start götürdü
Tarix: 11-06-2021 22:43 | Bölmə: Sosial

                     “Qarabağ Azərbaycandır!” futbol turniri start götürdü


Azərbaycan İdman Jurnalistləri Federasiyasının (AİJF) Ordumuzun Vətən müharibəsində qazandığı qələbəyə həsr olunmuş "Qarabağ Azərbaycandır!" futbol turnirinin açılış mərasimi keçirilib.
"Qafqazinfo"nun məlumatına görə, Gənclər və İdman Nazirliyi, AFFA və Azərbaycan Dövlət Bədən Tərbiyəsi və İdman Akademiyasının (ADBTİA) dəstəyi ilə idman jurnalistləri arasında təşkil olunmuş tədbir akademiyanın stadionunda gerçəkləşib.
Mərasimdə gənclər və idman nazirinin müavini İsmayıl İsmayılov, ADBTİA-nın rektoru Fuad Hacıyev, AFFA İcraiyyə Komitəsinin üzvü İsgəndər Cavadov, digər futbol veteranları iştirak ediblər.
Komanda iştirakçıları könüllülərin müşayiəti ilə təqdim olunduqdan sonra Azərbaycan Respublikasının Dövlət Himni səsləndirilib, ardınca isə Vətən müharibəsi şəhidlərinin xatirəsi bir dəqiqəlik sükutla yad edilib.
Daha sonra yarış açıq elan olunub və ilk turun görüşləri keçirilib.
"Qarabağ Azərbaycandır" turniri
I tur
A qrupu
11 iyun (cümə)
"Cəbrayıl" - "Qubadlı" - 1:7
"Laçın" - "Füzuli" - 0:7
B qrupu
"Zəngilan" - "Kəlbəcər" - 11:2
"Ağdam" - "Şuşa" - 3:0
Qeyd edək ki, növbəti iki turun oyunları iyunun 13-də və iyunun 15-də, yarımfinallar iyunun 19-da, həlledici oyunlar isə 26 İyun - Azərbaycan Respublikası Silahlı Qüvvələri Günündə olacaq.


Baxış sayı: 94


Bölməyə aid digər xəbərlər