Yasamalda şəhid ailələrinə dəstək davam edir
Tarix: 10-04-2021 11:33 | Bölmə: Sosial

                  Yasamalda şəhid ailələrinə dəstək davam edir


Vətən müharibəsinin şəhid ailələrinə dəstək olmaq məqsədilə bu gün Yasamal rayon İcra Hakimiyyətinin başçısı Elşad Həsənov və Azərbaycan Milli Elmlər Akademiyası Azad Həmkarlar İttifaqının sədri, professor Habil Qurbanov, Yasamal rayon İcra Hakimiyyəti Aparatının məsul işçiləri və AMEA Azad Həmkarlar İttifaqı Rəyasət Heyətinin üzvləri şəhid ailələrini ziyarət ediblər.
“Qafqazinfo” xəbər verir ki, şəhid yaxınları ilə görüş zamanı onların qayğı və problemləri barədə ətraflı söhbət aparılıb. Şəhid ailələrinə ərzaq sovqatları təqdim edilib. Birgə təşkilatçılıq ilə Yasamal rayonundakı onlarla şəhid ailəsinə müxtəlif çeşiddə ərzaq paketləri paylanılıb.
Başçı Elşad Həsənov qeyd edib ki, Ali Baş Komandan İlham Əliyevin komandanlığı ilə 44 günlük müharibə zamanı silahlı qüvvələrimiz erməni separatçılığını məğlub edərək Azərbaycanın ərazi bütövlüyünü bərpa etdi. E. Həsənov şəhid və qazi ailələrinin dövlət tərəfindən diqqət və qayğı ilə əhatə olunduqlarını bildirib. Şəhid ailələrinin üzvləri onlara verilən bu yüksək münasibətdən razı qaldıqlarını vurğulayıblar. Yasamal rayonundakı qazi və şəhid ailələrinə mənəvi və maddi dəstək davam edir.








Baxış sayı: 76


Bölməyə aid digər xəbərlər