16:29 / 21-04-2021
Stadnik yarımfinalda
11:04 / 21-04-2021
Ramiq Muxtar vəfat etdi
Gənclər, sözüm sizədir !-Gülnaz Abdullayeva
Tarix: 31-03-2021 23:43 | Bölmə: Sosial


Salam, gənc, ömrünün baharını yaşayan, bəlkə də dünyanı hələ də dərk etməyən, dostlar !
Siz ömrünüzün çox gözəl bir dövrünü yaşayırsınız: orta məktəblərdə,ali məktəblərdə təhsil alırsız...Və ya məktəbdən sonra ailəyə kömək üçün özünüz ayaq üstə sərbəst dayanmaq üçün işləyirsiniz...Bəziləri şəxsi təsərrüfatda işləyir...
Gənc dostum, dünya sənə maraqlı görünür ...Bəzən beynində baş qaldırmış " niyələr?"-,ə," nə üçünlər?" -ə cavab axtarırsan...Bəzən düz, bəzən səhv cavab tapıb, bununla kifayətlənirsən.Gördüyün bir gənc(qız) sənin çox xoşuna gəlir, həmin gənc əvvəllər maraq göstərdiyin " X" - dən daha yaxşı görünür gözünə.Düşünürsən ki, yeni tanıdığın müsbət cəhətləri ilə əvvəlki "istəyindən" - bəli, bəli məhz sevgindən yox, istəyindən daha üstündür. Getdikcə sən analiz etmə qabiliyyətinə yiyələnirsən... Dünənki hərəkətlərinə gülürsən... Və gələcəkdə sən arzu pillələrinə qədəm qoya- qoya arzularına çatırsan!
Amma, təəssüf ki, həmişə belə olmur!
Mən uzun illərdir ki, uşaq və gənclərlə bir yerdəyəm.Bu mənim peşəmlə əlaqədardır.
Araşdıraraq belə qərara gəlirəm ki, müasir dövürdə gənclərin psixologiyasına bir sıra amillər mənfi təsir edir...
İlk növbədə bu sosial şəbəkələrdir... İnternetdən məqsədli şəkildə istifadə edənlər, araşdırma aparanlar məqsədlərinə nail olurlar. Lakin... internetdən ziyan çəkən gənclərimiz də çoxdur...
Gənclər dost seçərkən ehtiyatlı olmalıdırlar! Ürək sözünü söz gəzdirən rəfiqələrinə deməməlidirlər! Xüsusən , qızlar... Fikrimcə , qızın ən yaxın rəfiqəsi anası olmalıdır...Elə oğlanlar da bəzən ürək sirrlərini analarına etibar edirlər.Ana dinləyəndir, ana başa düşəndir, ana- məsləhət verəndir, ana - yol göstərən, ana- sirr saxlayandır! O,sənin sirrini başqalarına yaymayacaq, şəkillərini internetdə paylaşmayacaq, sənin sirrini digər rəfiqələrinə danışıb, məsxərəyə qoymayacaq...
Uzun illərdir, gənclərlə dostluq edirəm...
....Bir gün qapı döyüldü. Tanıdığım məzun gəncimiz icazə istəyib içəri daxil oldu. Mədəni ailənin övladı idi...Rəngi ağarmışdı. Onunla üzbəüz əyləşdim... Əlləri ilə üzünü qapayıb hönkürdü... Ürəyim dözmədi ,ayağa qalxıb ona yaxınlaşdım.Əlimi çiyninə qoyub : - Ağlama dedim...Verdiyim suyu içib :
- Müəllimə,intihar etmək istəyirəm...
Diksindim.
- Niyə ,oğlum? Danış ,ürəyin boşalsın...
- Müəllim,mən bu məktəbdə oxumuşam.Müəllimlərimin hörmətini saxlamışam...- yenə ağlamağa başladı.
- Ağlama,aramla danış, oğlum...
- Müəllimə, bacımın şəkillərini internetdə paylaşıblar. Uşaqlar mənə də göndərib...
Əlindəki telefonu mənə uzatdı...
Şəklilə baxdım.Ürəyim sancdı .Özümü ələ alıb sifətimə laqeyd ifadə verdim:
- Elə bu? Nə olsun?
O incik- incik üzümə baxdı...
Müəllimə,bu azdır ?
- Bunu kim edib?
- Bacımla bir sinifdə oxuyan...... ! Görürsüz müəllimə, ? Ölmək istəyirəm!
Üzümə süni ifadə verib qəh- qəhə çəkdim. Heç vaxt məni gülən görməyən şagirdim təəccüblə üzümə baxırdı. Ürəyimdəki hıçqırtını boğaraq onu şaqraq gülüşlə üstələmişdim...
Xeyli onun ali məktəbdəki dərslərindən oradan - buradan danışdım.
- Narahat olma- dedim... Hər şey öz axarına düşəcək...
1 aydan sonra universitetdən çıxıb yanıma gəl.
İnandımı,ya inanmadımı getdi.
Həmin saatdan araşdırmaya başladım.
Rəfiqəsi yeni hamam tikdirdiyini eşidib qıza hamamın şəklini çəkib atmağı xahiş edir...Qız da çəkəndə elə çəkir ki, hamamın güzgüzünə öz şəkli düşür... Rəfiqə az keçməmiş bu şəkli hamıya göndərir.
Bəli ,o şəkli 4 aya hər yerdən sildirməyə nail olduq.Əlbəttə,bir neçə müəllimin gizli fəaliyyəti nəticəsində...
Qeyd edim ki,oğlan da, bacısı da hazırda ailə qurub.Bunu danışmaqda 2 məqsədim var:
1.Qızlar çox diqqətli olmalıdırlar. Tanımadığı qızlarla rəfiqəlik etməməlidirlər. Sonu peşmançılığa gətirən hərəkətlərə yol verməməlidirlər.Sevgiləri uğursuz olubsa,məyus olmasınlar! Hər şey irəlidədir ! Qismət deyilən alın yazısı var! Əgər,qismət olmadınsa, demək bunu Allah rəva bilməyib!
2. Oğlanlar da intiharı çıxış yolu bilməməli, mübarizə aparmalıdırlar... Böhtanlara inanmamalı, tez qərar verməməlidirlər ! Bəzən bir ailəni məhv etmək üçün " plan" quranlar var!
Əziz gənc dost ! Həyat mübarizədir! Mübarizə aparıb sonda məqsədə nail olmaq olar !
İntihar " ləkə" ləri örtmür, əksinə onları dərinləşdirir,genişləndirir.
Zəhmət,əmək," alın təri" hesabına ucalmaq da olur!
Universitetdə oxuyurdum. Bazar günü bağda işləmək üçün atam fəhlə gətirdi. Pəncərədən baxanda onun bir kursda oxuduğum T....olduğunu gördüm .Utanmasın deyə gözünə görünmədim. Hazırda o gənc məktəblərin birində vəzifədə çalışır. İşləmək heç vaxt ayıb deyil! Ayıb olan zərərli vərdişlərə qurşanmaq, başqalarına ziyan vurmaqdır!
Gənc dost,oxu,ucal,Vətənini ,dövlətini ,onun insanlarını sev... Çətinlikdən qorxma ! O çətinliklərdən hamımız keçmişik ! Amma ruhdan düşməmişik!
Sənə uğur zirvəsi arzu edirəm,gənc dost ! Sən həm öz həyatını ,həm də sənin üçün həyatından keçən Şəhidlərimizin həyatını davam etdirməlisən!
İntihar- qorxaqlıqdır! Qorxaqlar tez unudulur! Tarixdə qalanlar isə Şəhidlər olur ! Xalqı üçün faydalı iş görənlər olur!

Böyük hörmətlə:
Sizi böyük məhəbbətlə sevən Gülnaz Abdullayeva
Sabaha-inamla.az


Baxış sayı: 100


Bölməyə aid digər xəbərlər