11:04 / 21-04-2021
Ramiq Muxtar vəfat etdi
“İsraildən gələn həkimlər beş gündə 132 qazimizi müayinə ediblər”
Tarix: 04-03-2021 12:16 | Bölmə: Sosial

                “İsraildən gələn həkimlər beş gündə 132 qazimizi müayinə ediblər”


“5 gün ərzində israilli həkimlər 132 qazimizi müayinə ediblər. Onların 22-si əməliyyat edilib, 28 nəfərinə protez göz taxılıb, digərlərinin əməliyyatı isə növbəti günlərdə baş tutacaq”.
“Qafqazinfo” xəbər verir ki, bu barədə “YAŞAT” Fondunun rəhbəri Elvin Hüseynov bu gün Milli Oftolmologiya Mərkəzində jurnalistərə açıqlamasında bildirib.
O qeyd edib ki, “YAŞAT” Fondunun təşəbbüsü, İsrailin Azərbaycandakı səfirliyinin və Akademik Zərifə Əliyeva adına Milli Oftalmologiya Mərkəzinin təşkilati dəstəyi ilə İsraildən Azərbaycana tibbi-humanitar yardım məqsədi ilə oftalmoloqlardan ibarət nümayəndə heyəti gəlib. Hazırda 5 gündür ölkəmizdə olan israilli həkimlər tərəfindən qazilərimizin müayinə və müalicəsi davam edir.
“Qazilərimiz onlara göstərilən xidmətdən razıdırlar və əməliyyatlar da uğurla həyata keçirilir. 8 nəfərlik həkim heyəti Vətən müharibəsində yaralanmış qazilərimizin oftalmoloji cərrahi və tibbi müalicəsi məqsədi ilə humanitar yardım çərçivəsində ölkəmizə gəlib. Həkimlər gözündən zədə almış hərbçilərimizin müayinəsini və əməliyyatlarını həyata keçirəcəklər”.
E. Hüseynov əlavə edib ki, ötən dövr ərzində Türkiyədən də bir qrup həkim Azərbaycana gəlib. Türkiyəli həkimlər tərəfindən 154 qazimiz müayinə olunub və onların nəticələri dəyərləndirilir.
“Ümumilikdə, 24 qazimizin müayinə və müalicəsinin davam etdirilməsi üçün Türkiyəyə yola salınıb. Onlarla mütəmadi olaraq əlaqə saxlanılır. Artıq bir neçə qazimizin əməliyyatı uğurla həyata keçirilib. Yaxın günlərdə müalicələrini başa vurub ölkəmizə geri qayıdacaqlar”.
O qeyd edib ki, bu gün üçün başqa ölkələrdən həkim dəvəti nəzərdə tutulmayıb.


Baxış sayı: 205


Bölməyə aid digər xəbərlər