Leyla Əliyeva: "Məndə çalışacağam ki, onların etimadını doğruldum"
Tarix: 27-02-2021 20:43 | Bölmə: Sosial


Leyla Əliyeva bacarıqlı, təcrübəli direktordur. Azərbaycan təhsilinin inkişafı, şagirdlərin savadlı, bilikli, vətənpərvər olması üçün var gücü ilə çalışır. Rəhbərlik etdiyi təhsil ocağında həmişə nizam-intizam yüksək səviyyədə olur. Bu günlərdə bu layiqli təhsil işçisini şəhərin nümunəvi məktəblərindən biri olan 31 nömrəli tam orta məktəbə direktor təyin ediblər. Sabaha-inamla.az xəbər portalı Leyla xanımla söhbəti oxuculara təqdim edir.

-Leyla xanım, sizi 31 nömrəli məktəbə direktor təyin olunmağınız münasibətilə təbrik edirik.Çox istərdik ki, bu günə qədər olan fəaliyyətiniz barədə danışasınız.
-Əliyeva Leyla Əli qızı.1979-cu ildə Sumqayıt şəhərində anadan olmuşam. 1986-cı ildə elə bu məktəbdə-Yusif Məmmədəliyev adına 31 nömrəli tam orta məktəbin birinci sinifinə qəbul olunmuşam. 1996-cı ildə həmin məktəbin məzunu olmuşam. Elə həmin ildə də Bakı Dövlət Universitetinin mexanika riyaziyyat fakültəsinə daxil olmuşam. 2000-ci ildə Universiteti bitirib  pedaqoji fəaliyyətimə Tofiq İsmayılov adına  29 nömrəli tam orta məktəbdə riyaziyyat müəllimi kimi fəaliyyətə başlamışam. 2007-ci ildə həmin məktəbə təlim-tərbiyə işləri üzrə direktor müavini təyin olunmuşam. 2008-ci ildə Yeni Azərbaycan Partiyasının sıralarına qəbul olunmuşam. 2012-ci il may ayının 16-da Sumqayıt şəhər 41 nömrəli tam orta məktəbə direktor təyin olunmuşam. 2013-cü ildə Yeni Azərbaycan Partiyası Sumqayıt şəhər təşkilatının hesabat seçki konfransında Qadınlar Şurasının sədr müavini seçilmişəm.
41 nömrəli məktəbə təyin olunanda orda 300 şagird təhsil alırdı, 16 sinif var idi. Hal hazırda orda 680 şagird  təhsil alır. Siniflərin sayı 25-ə çatıb, 2-də məktəbə hazırlıq sinifi var. Ordakı fəaliyyətim dövründə hər il yüksək bal toplayan şagirdlər olmuşdur. Şagirdlərimiz  dəfələrlə "Sabahın alimləri" müsabiqəsində  iştirak ediblər.
Yanvar ayının 26-da 31 nömrəli tam orta məktəbə direktor təyin olunmuşam.

-Belə başa düşdük ki, siz etimadı doğrultduğunuz üçün bu məktəbə direktor təyin olunmusunuz?
-  Fəaliyyətim qənaətbəxş hesab olunduğu üçün bura təyin  olunmuşam.  Və buna görə  Təhsil Nazirliyinə, Sumqayıt şəhər Təhsil şöbəsinə öz minnətdarlığımı bildirirəm. Məndə çalışacağam ki, onların etimadını doğruldum.

-Qələbəmiz haqqında sizin də ürək sözlərinizi eşitmək istərdik.
-44 günlük müharibə başa çatdı.Zəfər bayramı münasibətilə bütün xalqımızı təbrik edirəm. Şəhidlərimizə Allahdan rəhmət diləyirəm. Şəhidlərimizin  qanı bahasına biz bu torpaqları aldıq. Qazilərimizə can sağlığı,Azərbaycan ordusuna uğurlar arzulayıram.  Bu Zəfəri, bu bayramı  bizə yaşatdığına görə Ali Baş Komandan İlham Əliyevə kollektivimiz adından, öz adımdan təşəkkürümü bildirirəm. 30 ildir ki, torpaqlarımız işğal altında idi. Bu sevinci, bu qüruru, bu fəxri bizə yaşatdı.Həqiqətən Prezidentimizlə, xalqımızla, ordumuzla fəxr edirik. Prezidentimizin apardığı düzgün, güclü siyasət nəticəsində  bu sevinci biz  yaşadıq! 
Sabaha-inamla.az


Baxış sayı: 808


Bölməyə aid digər xəbərlər