01:29 / 22-06-2021
Türkiyədə zəlzələ oldu
02:56 / 21-06-2021
Azərbaycanda zəlzələ oldu
“Prezidentin BBC-yə müsahibəsinin baxış sayının 3 milyonu keçəcəyi gözlənilən idi”
Tarix: 07-05-2021 23:10 | Bölmə: Siyasət

                    “Prezidentin BBC-yə müsahibəsinin baxış sayının 3 milyonu keçəcəyi gözlənilən idi”


“Ölkə Prezidenti 44 günlük Vətən müharibəsi zamanı təkcə qüdrətli, mahir sərkərdə, diplomat kimi deyil, həm də informasiya müharibəsinin komandanı və qalibi kimi özünü təsdiq etdi. Onun çoxsaylı müsahibələrinin hər biri fərqli düşüncə və fikirlərlə diqqəti cəlb edib. Bu baxımdan Prezidentin BBC-yə verdiyi müsahibənin baxış sayının 3 milyonu keçəcəyi gözlənilən bir hadisə idi”.
Bunu “Qafqazinfo”ya açıqlamasında Ana Vətən Partiyasının sədri, deputat Fəzail Ağamalı deyib. O qeyd edib ki, Prezidentin müsahibələrindəki fikirlərdən biri digərini təkrarlamayıb: “Xüsusi olaraq ayrı-ayrı ölkələrdən öyrədilmiş və hazırlanmış reseptlərlə Azərbaycana gəlib cənab Prezidentin fikirlərini hansısa bir formada özlərinin istədiyi şəkildə dünya mətbuatına çıxarıb Azərbaycana zərbə vurmaq niyyəti daşısalar da, müsahibələrin gedişində onlar tərksilah edilirdi. Jurnalistlər həqiqətən çox çıxılmaz vəziyyətə düşürdülər. Bu baxımdan Prezidentin BBC telekanalına verdiyi və orada yer alan diqqətəlayiq fikirlər təbii ki, beynəlxalq səviyyədə olan reytinqini müəyyənləşdirməli idi. 
Açıq etiraf edək ki, təkcə Azərbaycan xalqı deyil, bütövlükdə dünya XXI əsrdə beynəlxalq səviyyəli lideri, siyasətçini Ali Baş Komandanı diplomatı kəşf etmiş oldu. İlham Əliyev XXI əsrin dünya miqyasında bir nömrəli dövlət xadimi və Prezidentidir.  Azərbaycan əslində təklənmiş vəziyyətdə idi. Bizim yanımızda tək Türkiyə, Pakistan, çox az sayda dövlətlər var idi. Onlar da mənəvi, siyasi dəstək verirdilər. Lakin ölkə başçısı döyüşə tək girmişdi. O, bütün dünya erməniliyini illərdir bəri müdafiə edən güc  mərkəzlərinə qarşı, Rusiyanın təpədən dırnağa qədər silahlandırdığı faşist Ermənistana qarşı döyüşdü və qalib çıxdı. Eyni zamanda informasiya müharibəsində də qalib çıxdıq". 
Deputatın sözlərinə görə, informasiya müharibəsi bu gün də davam edir: "Azərbaycana qarşı təhdidlər, təzyiqlər yenidən güclənib. Buna baxmayaraq onlar istəklərinə nail ola bilməyəcəklər. Azərbaycan əldə etdiyi qələbəni tamamilə qoruyub saxlayacaq.  Əminəm ki, yaxın zaman kəsiyində ərazilərimizdə erməni tör-töküntüləri də tamamilə rədd olub gedəcəklər”.
Qeyd edək ki, Prezident BBC-yə verdiyi müsahibədə bir sıra önəmli məsələlərə toxunmuşdu. Ölkə başçısı jurnalistin ermənilərin burada azad mətbuatının olmayacağı ilə bağlı ittihamına Culian Assanjdan nümunə gətirərək tutarlı cavab vermişdi: “Ermənilərin burada azad mətbuatının olmayacağı ilə bağlı məni ittiham etmək əvəzinə, gəlin, Assanj barədə danışaq. Bağışlayın, o, Ekvador səfirliyində neçə il keçirdi və nəyə görə? O, indi haradadır? Jurnalist fəaliyyətinə görə siz həmin şəxsi girov saxladınız, əslində, mənəvi və fiziki olaraq onu öldürdünüz. Bunu siz etmisiniz, biz yox. İndi o həbsxanadadır. Siz bu işlərlə məşğul olduğunuz halda, sizin azad mətbuat haqqında danışmağa mənəvi haqqınız yoxdur”.


Baxış sayı: 89


Bölməyə aid digər xəbərlər