17:08 / 03-04-2025

Vens: "Mask Ağ Evdəki işini davam etdirəcək, bürokratiya ilə mübarizəsi hələ də bitməyib"

17:03 / 03-04-2025

Ciddi yanğın baş verib, 900 kvadratmetr sahədə lokallaşdırılıb

16:59 / 03-04-2025

Putinə Nijni Novqorod sənətkarlarının hazırladığı quş hədiyyə etdi

16:54 / 03-04-2025

Millət vəkili narkotik saxlamaqda şübhəli bilinərək saxlanılıb

16:45 / 03-04-2025

Məhkəmə pişiyi dördüncü mərtəbədən atan moskvalıya qarşı həbs-qətimkan tədbiri seçdi

16:40 / 03-04-2025

Vüqar Rəhimzadə: "Azərbaycan Almaniya üçün strateji əhəmiyyət kəsb edən ölkədir"

16:37 / 03-04-2025

Niger Rusiyada səfirlik açmağa hazırlaşır

16:29 / 03-04-2025

Bakıda sakinlər zorla evlərindən çıxarılırlar? - Məşhur MTK-nın rəhbərliyindən ŞİKAYƏT

15:43 / 03-04-2025

Kənd Təsərrüfatı Nazirliyinin vəzifəli şəxslərinin qanunsuz əməlləri ifşa edilib

11:35 / 03-04-2025

Banqkok Kral Simfonik Orkestri Moskvada çıxış edəcək

11:28 / 03-04-2025

Mənzildə baş verən yanğında 4 nəfər ölüb

09:21 / 03-04-2025

Moskvada Rusiya Müdafiə Nazirliyinin zabitlərini partlatmağa cəhd edən ukraynalının məhkəməsi başlayıb

09:16 / 03-04-2025

Myanma Səhiyyə Xidmətləri zəlzələdə itkin düşən rusiyalının cəsədini tapıb

09:12 / 03-04-2025

İsrailin baş naziri Netanyahu Beynəlxalq Cinayət Məhkəməsinin həbsinə dair orderə baxmayaraq Macarıstana səfər edib

09:08 / 03-04-2025

Boliviya BRICS-ə qoşulmağı prioritet hesab edir

09:04 / 03-04-2025

17 yaşlı yeniyetmə terrorizmi təbliğ etdiyinə görə saxlanılıb

08:38 / 03-04-2025

Macarıstanlı analitik ABŞ, Çin və Rusiyanın triumviratını proqnozlaşdırır

08:35 / 03-04-2025

FHN: Sverdlovsk vilayətində Novo-Kalinskaya mədənində ölü mədənçi tapılıb

08:28 / 03-04-2025

"Barselona" Kral Kubokunun finalında "Real Madrid"lə qarşılaşacaq

22:53 / 02-04-2025

"Suriya TV": İsrail təyyarələri Dəməşqin şimalındakı hərbi obyektə hücum edib

22:49 / 02-04-2025

"Telegraph": Ağ Ev Trampın Pasxa bayramına qədər Ukraynada atəşkəs əldə etməyəcəyini etiraf etdi

22:44 / 02-04-2025

"Bild": Almaniyada sahiblərindən qaçan donuz səbəbiylə avtoban bağlandı

22:39 / 02-04-2025

Ağ Evin Mətbuat katibi Leavitt Maskın Ayrılma hesabatlarını “zibil” adlandırdı

22:33 / 02-04-2025

17 yaşlı ukraynalı futbolçu Oleksandr Şvorak Almaniyada öldürülüb

22:25 / 02-04-2025

"Daily Mail": ABŞ və İsrail İrana zərbə endirmək niyyətindədir

22:18 / 02-04-2025

FİDE 15 yaşlı rus məktəblisinə qrossmeyster adı verdi

22:15 / 02-04-2025

Alimlər Şpitsbergen arxipelaqında buzlaqların sürətlə əridiyini bildirirlər

22:10 / 02-04-2025

Dağıstanın ərazisində meşə dördüncü gündür yanır

22:05 / 02-04-2025

İrkutsk vilayətində qəzaya uğrayan "Tu-22M3" təyyarəsinin pilotları həkimlərə təhvil verilib

22:02 / 02-04-2025

Myanma sahillərində 5 bal gücündə zəlzələ qeydə alınıb

13:46 / 02-04-2025

Polşanın keçmiş baş naziri Ukrayna səfirinin davranışını həyasızlıq adlandırdı

13:41 / 02-04-2025

Adam yandırıldıqdan sonra prokurorlar polisin işinə reaksiya verdi

13:37 / 02-04-2025

Kadırov İosif Priqojini Çeçenistanın əməkdar artisti fəxri adı ilə təltif etd

13:34 / 02-04-2025

Oğurlanmış əşyalar oyun avtomatının sahibinə qaytarılıb

13:24 / 02-04-2025

Həkim Misirdə vanna otağı qəzası zamanı klinik ölümlə üzləşib

12:52 / 02-04-2025

Krasnov: "Kiber fırıldaqçılıq Rusiyadakı bütün cinayətlərin 40% -ni təşkil edir"

12:46 / 02-04-2025

Zaxarova: "Berbokun BMT Baş Assambleyasının sədri kimi işləmək üçün peşəkarlığı yoxdur"

12:42 / 02-04-2025

FSB terror aktının qarşısının alındığını elan etdi

12:37 / 02-04-2025

4 minə yaxın idman məmuru qanun pozuntularına görə məsuliyyətə cəlb edilib

12:33 / 02-04-2025

Moskvada nifrət saldığına görə həbs edilən "II Nikolayın böyük nəvəsi"

Bütün xəbərlər

Ən çox oxunanlar

Şəhid ailələri və qazilər iftar süfrəsində-VİDEO+FOTOLAR

Milli Məclisin deputatı Vüqar Rəhimzadə Culfada seçiciləri ilə növbəti görüşünü keçirib - FOTO

Tarixi yaddaşımızdan heç vaxt silinməyən soyqırımı

Misir-Azərbaycan Dostluq Cəmiyyətində iftar süfrəsi açılıb

İlham Əliyev və birinci xanım Mehriban Əliyeva Ağdamın Sarıcalı kəndinin birinci mərhələsinin açılışında iştirak ediblər

İlham Əliyev və birinci xanım Mehriban Əliyeva Şuşada bir sıra açılışlarda iştirak edib və aparılan tikinti işləri ilə tanış olublar

Prezidentdən Ramazan bayramı ilə bağlı paylaşım - Foto

Tbilisi Rusiya ilə münaqişəyə çağıran ABŞ siyasətçisinin adını açıqladı

"Bilet tapa bilmədiyim üçün Bakıya gəlmədim" - Allahşükür Paşazadə

İlham Əliyev Şəfiqə Məmmədovaya “İstiqlal” ordenini təqdim edib

Zelenski deyib ki, ABŞ Ukraynaya yeraltı sərvətlərlə bağlı yeni saziş təklif edib

44 günlük Vətən müharibəsinin şəhidi Novruz Məmmədovun mövluduna həsr olunmuş “Bu dünyadan bir qəhrəman Novruz keçdi” adlı tədbir

DÇ-2018: "Ölüm qrupu" və ya Portuqaliya yenə sürpriz edə bilər
Tarix: 02-12-2017 21:07 | Bölmə: Reportaj

2018-ci il dünya çempionatının final mərhələsi üçün atılan püşkün nəticəsi balanslı qruplar ortaya çıxarıb. "Report"un məlumatına görə, bu, FİFA-nın püşkatma üçün səbətlərin müəyyənləşdirilmə qaydasını dəyişdirməsindən sonra baş verib.

Əvvəllər FİFA ən yaxşı komandaları birinci, Avropanın qalan komandalarını ikinci, Cənubi Amerika təmsilçisilərini üçüncü səbətə bölürdü. Bunun nəticəsində ən azı bir "ölüm qrupu" yaranırdı. Məsələn, 2014-cü il dünya çempionatında İspaniya, Hollandiya və Çili eyni qrupa düşmüşdü.
FİFA reytinqinə əsaslanan yeni prinsip isə ölüm qrupunun yaranma ehtimallarını sıfıra yaxınlaşdırıb. Lakin yenə də maraqlı qruplar ortaya çıxıb.
Ən aşağı səviyyəli start oyunu
A qrupunda təşkilatçı Rusiyaya Uruqvay, Səudiyyə Ərəbistanı və Misir yığmaları rəqib olub. Bu, qonşu ölkə üçün keçilən və əlverişli qrup sayıla bilər. Çünki qrupdan növbəti mərhələyə vəsiqə uğrunda mübarizədə Stanislav Çerçesovun baş məşqçi olduğu komanda ilə yanaşı, Uruqvayın yüksəlmə şansları daha aydın görünür. Misir və Səudiyyə Ərəbistanının imkanları xeyli aşağı qiymətləndirilir. Üstəlik, Rusiya açılış oyununda məhz ərəblərlə üz-üzə gələcəyindən, mundiala böyük hesablı qələbə və yüksək əhval-ruhiyyədə başlaya bilər. 2010-cu il dünya çempionatında da A qrupunda lider olan və yarımfinaladək irəliləyən Uruqvay ötən mundialda qrupdan çıxsa da, 1/8 finalda uduzaraq, mübarizəni dayandırıb. Bu komanda uzun müddətdir ikiqat dünya çempionu (1930, 1950) titulunu yeniləyə bilmir. Səudiyyə Ərəbistanı sonuncu dəfə 2006-cı il, Misir isə 1990-cı il dünya çempionatında çıxış edib. Açılış oyununda Rusiya və Səudiyyə Ərəbistanı yığmalarının üz-üzə gəlməsi bəlkə də son mundialların ən aşağı səviyyəli startı sayıla bilər.
Son Avropa çempionları üz-üzə
Son 2 Avropa çempionatının qalibləri Portuqaliya (2016) və İspaniya (2012) milliləri B qrupunda birgə yer alıb. Üstəlik, İspaniya 2010-cu il dünya çempionatının qalibidir. Əvəzində hər iki komanda ötən mundialda məhz "ölüm qrupu"na düşdükləri üçün mərhələ adlaya bilməyib. İspaniyanı Hollandiya və Çili üstələyibsə, Portuqaliya Almaniya və ABŞ-dan geri qalıb. Azərbaycanın cənub qonşusu İran ardıcıl ikinci dəfə mundialda çıxış edəcək. Bu komandanın baş məşqçisi Karluş Keyruş portuqaliyalıdır və 2008 - 2010-cu illərdə rəhbərlik etdiyi komandaya qarşı mübarizə aparacaq. Mərakeş millisi isə 20 il sonra mundialda çıxış edəcək.
Fransa "pley-off"dan gələn komandalara qarşı
Elə 1998-ci il dünya çempionatında tarixində ilk dəfə qızıl medal qazanmış Fransa millisi Rusiyadakı mundialda da C qrupunda çıxış edəcək. 20 il əvvəl də "xoruzlar"la eyni qrupda Danimarka yer almış və nəticədə hər iki komanda 1/8 finala adlamışdı. Yenidən eyni halın təkrarlanma ehtimalı böyükdür. Bu qrupda Fransa istisna olmaqla, qalan komandaların hamısı "pley-off" səddini adladıqdan sonra mundiala vəsiqə qazanıb. Avstraliya dördüncü dəfə mundiala yüksəldiyi halda, Peru millisi sonuncu dəfə 1982-ci ildə bu həyəcanı yaşayıb.
Güclülərin "ölüm qrupu"
Argentina, İslandiya, Xorvatiya və Nigeriya yığmalarının yer aldığı D qrupunu "ölüm qrupu" adlandırmaq olar. Seçmə mərhələdə İslandiya və Xorvatiya milliləri eyni qrupda yer alıblar. Onlar Türkiyə və Ukrayna kimi komandaları üstələyərək, qrupdan çıxmağı bacarıblar. Öz aralarındakı görüşlərdə Xorvatiya İslandiyanı evdə 2:0 hesabı ilə yenibsə, səfərdə uduzub - 0:1. Yekunda qrupu lider kimi başa vuran İslandiya mundiala ilk dəfə qatılacaq. Bu komanda ötən mundiala da yüksəlməyə yaxın olub, lakin "pley-off"da məhz Xorvatiya səddini aşa bilməyib - 0:0, 0:2. İkiqat dünya çempionu Argentina millisi (1978, 1986) ötən mundialda finalçı olsa da, Rusiyaya vəsiqəni Cənubi Amerika zonası üzrə seçmə mərhələnin son turunda əldə edib. Argentina və Nigeriya milliləri DÇ-2014-də də eyni qrupda yer alıblar. Həmin vaxt cənubi amerikalılar 3:2 hesabı ilə üstün olsalar da, qrupdan növbəti mərhələyə hər iki komanda yüksələ bilib. Bu il noyabrın 14-də isə onlar Krasnodar şəhərində yoldaşlıq görüşündə üz-üzə gəliblər. Həmi qarşılaşmada cənubi amerikalılar hesabda önə çıxsalar da, sonda afrikalılar qələbə qazanıblar - 4:2. Lakin bu görüşdə Argentina millisinin lideri Lionel Messi iştirak etməyib. Ümumiyyətlə, Nigeriya millisi son 6 mundialdan 5-də iştirak edib və 3 dəfə (1994, 1998, 2014) qrup səddini aşa bilib. Xorvatiya yığmasının ən yüksək nəticəsi ilk dəfə qatıldığı 1998-ci il dünya çempionatında bürünc medal qazanması olub. Ötən mundialda isə bu komanda Braziliya, Meksika və Kamerunla mübarizədə 3-cü yeri tutaraq, qrupda qalıb.
Braziliyanın qarşısına çıxan Kosta Rika
5 qat dünya çempionu 1958, 1962, 1970, 1994, 2002) Braziliya millisi bu dəfə E qrupuna düşüb. Təşkilatçısı olduğu ötən mundialda 4-cü yerlə kifayətlənən "sambaçılar" sonuncu dəfə 2002-ci ildə qızıl medala yiyələnib. Sonradan "pentakampeonlar" mükafatçılar sırasına düşməyi bacarmayıblar. Bu dəfə də Titenin baş məşqçi olduğu kollektivin İsveçrə, Kosta Rika və Serbiya ilə mübarizədə qrupdan çıxacağı şübhə doğurmur, lakin rəqiblərin ciddi müqavimət göstərəcəkləri dəqiqdir. İsveçrə mundiala Azərbaycan millisi ilə eyni qrupda yer almış Şimali İrlandiyanı üstələməklə (1:0, 0:0) ardıcıl 4-cü dəfə yüksəlib. Bu komanda ötən mundialda qrupdan çıxmağı bacarsa da, 1/8 finalda Argentina səddini adlaya bilməyib. Kosta Rika isə DÇ-2014-də 1/4 finaladək irəliləyib və qolsuz bitən 120 dəqiqəlik mübarizənin sonunda gələcək bürünc mükafatçı Hollandiyaya penaltilərlə uduzub - 3:4. Serbiya isə qrupda qaldığı DÇ-2010-dan sonra ilk dəfə mundial həyəcanı yaşayacaq.
Almaniya yenə favoritdir
Dünya çempionluğu sayında (1954, 1974, 1990, 2014) Braziliyadan minimal fərqlə geri qalan Almaniya millisi ardıcıl ikinci dəfə qızıl medal qazanmaq üçün yürüşə F qrupunda başlayacaq. Azərbaycanla eyni qrupda yer aldığı seçmə mərhələni maksimum - 30 xalla başa vuran Bundestim bu il Rusiyada Konfederasiyalar Kubokunu da qazanmaqla əsas favorit olduğunu sübuta yetirib. Son 6 mundialda 1/8 finaladək irəliləyən Meksikanın yenə Almaniya ilə birgə qrupdan çıxmağa əsas namizəddir. Lakin daha bir dördqat dünya çempionu - İtaliyanı "pley-off"da ağıllı oyunla üstələməyi (1:0, 0:0) bacaran İsveçin də onlara ciddi rəqabət göstərəcəyi gözlənilir. Bu, yığma karyerasını başa vuran Zlatan İbrahimoviçin qərarını dəyişdirəcəyi halda daha real görünə bilər. 8-ci dəfədir mundiala qatılan Cənubi Koreyanın isə hakimlərin şübhəli qərarları sayəsində yarımfinaladək irəlilədiyi 2002-ci il dünya çempionatındakı nəticəni təkrarlaması isə artıq real deyil.
İngiltərəyə bu dəfə heç nə kömək etməyəcək
G qrupunda daha bir dünya çempionu İngiltərə yer alsa da, 1966-cı ildə azərbaycanlı hakim Tofiq Bəhramovun da böyük rolu sayəsində əldə etdiyi qızıl medallara yenidən sahib olacağı inandırıcı görünmür. Bu komandanın qrupda Belçika kimi son dövrlərin ən ciddi yüksəlişdə olan yığmanı keçərək, 1-ci yeri tutması belə çətindir. 2016-cı il Avropa çempionatında İngiltərə İslandiyaya 1/8 finalda 1:2 hesabı ilə uduzmuşdusa, Belçika 1/4 finaladək irəliləmişdi. DÇ-2014-də isə "qırmızı şeytanlar"ın yarımfinala yolunu Argentina minimal hesablı qələbə ilə kəsmişdi. Qrupdakı digər komandalara gəldikdə, 5-ci dəfə mundialda iştirak edəcək Tunis və ilk dəfə bu həyəcanı yaşayacaq Panamanın 1/8 finala yüksəlməsi möcüzə sayılacaq.
Polşa özü səviyyəsindəki komandalara qarşı
Nəhayət, H qrupunda bərabər səviyyəli 4 komanda - Polşa, Seneqal, Kolumbiya və Yaponiya mübarizə aparacaq. Lakin onların D qrupundakı komandalardan fərqi odur ki, heç biri böyük hədəflər uğrunda vuruşmağa qadir deyil. Yalnız Polşa və Kolumbiyanı fərqləndirmək olar ki, onların da 8 ən güclü komanda sırasına düşməsi belə böyük uğur hesab olunacaq. Robert Levandovski kimi məhsuldar hücumçunun yer aldığı yığma sonuncu dəfə mundial həyəcanını 2006-cı ildə yaşayıb. Əvəzində Kolumbiya DÇ-2014-də 1/4 finaladək irəliləməyi bacarıb və yarımfinala gedən yolda Braziliyaya uduzub - 1:2. Seneqal isə 2002-ci ildə 1/4 finaladək irəlilədiyi dünya çempionatından sonra seçmə mərhələləri keçə bilməyib. Yaponiya isə 6-cı dəfə mundialda iştirak edəcək ki, bunların yalnız 2-də - DÇ-2002 və DÇ-2010-da 1/8 finaladək irələmək mümkün olub.
Kimin şansı nə qədərdir?
Dünya çempionatı iştirakçılarının şanslarını dəyərləndirərkən, yalnız son Avropa çempionu Portuqaliyanın tarixində ilk dəfə dünya çempionu tituluna sahib çıxma ehtimalı qeyr-mümkün görünmür. Belçikanın isə hazırkı gücü yarımfinaladək irəliləmə şanslarının olduğunu deməyə əsas verir. Dünya çempionluğuna real namizəd kimi isə yenə də Almaniyanı göstərmək olar. Lionel Messinin karyerasında ilk dəfə dünya çempionluğu əldə etməyə can atacağı şübhəsizdir. Amma onun indiki komandası DÇ-2014-dəki səviyyədə deyil. Son Avropa çempionu Fransanın da 20 ildən sonra dünya çempionu tituluna sahib çıxma ehtimalı var.
Digər tərəfdən, nəzərə almaq lazımdır ki, püşkatma səbətləri A - D qruplarındakı komandaların E - H qruplarındakı yığmalarla 1/4 final mərhələsindən tez qarşılaşmalarına imkan vermir. Bu isə ilk 4 qrupdan Argentina, Fransa, Portuqaliya və İspaniya, sonrakı 4 qrupdan isə Braziliya, Almaniya, Belçika və İngiltərə kimi komandaların 1/8 final səddini aşacağını deməyə əsas verir. Asiya və Afrika qitələrinin komandalarından sürpriz gözləməyə dəyməz. 1/4 finalda isə erkən finalların təkrarlanma ehtimalı böyükdür.
Qeyd edək ki, dünya çempionatı gələn il iyunun 14-dən iyulun 15-dək Rusiyanın 11 şəhərinin 12 stadionunda keçiriləcək.

Baxış sayı: 964