09:10 / 18-07-2024
Bayden koronavirusa yoluxub
Bütün xəbərlər
Şəhid Leytenant Ülvü Məhərrəmovun mövludu keçirilib-VİDEO+FOTOLAR
Tarix: 06-07-2024 15:09 | Bölmə: Reportaj

Sumqayıtda şəhidlik zirvəsinə ucalmış leytenant Ülvü Məhərrəmovun mövludu keçirilib.
Tədbirdə şəhid ailələri, qazilər, ictimayyət nümayəndələri iştirak ediblər.
Əvvəlcə şəhidin məzarını ziyarət ediblər, onun qəhrəmanlıqlarından danışıblar.
                       
                       
                       

"Park Palace" şadlıq sarayında davam etdirilən tədbirdə şəhidlər bir dəqiqəlik sükutla yad olunub.Dövlət himni səsləndirilib. Şəhid atası Hacı Əhməd və şəhid anası Maisə Səbuhi şeir söyləyiblər.
Digər şairlər də öz yazdıqlaır şeirləri oxuyublar.
                          
                          
                          

Qeyd edək ki, Ülvü Tahir oğlu Məhərrəmov 1997-ci il iyulun 5-də Sumqayıt şəhərində anadan olub. Əslən Qubadlı rayonundan idi. 2014-2018-ci illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb. Subay idi.
Azərbaycan Ordusunun leytenantı olan Ülvü Məhərrəmov, Tovuz döyüşlərində qəhrəmancasına iştirak edib. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Cəbrayılın, Hadrutun, Xocavəndin, Füzulinin, Şuşanın azadlığı uğrunda gedən döyüşlərdə savaşıb. Ülvü Məhərrəmov oktyabrın 14-də Hadrutun Şiştəpə dağı uğrunda gedən döyüşlərdə qəhrəmancasına şəhid olub. Sumqayıt şəhərinin Şəhidlər Xiyabanında dəfn olunub.
 Ölümündən sonra "Vətən uğrunda" medalı, "Xocavəndin azad olunmasına görə" medalı, "Şuşanın azad olunmasına görə" medalı, "Füzulinin azad olunmasına görə" medalı,  III dərəcə "Rəşadət" ordeni ilə təltif edilib.

Namiq MƏMMƏDLİ
Sabaha-inamla.az 






















Baxış sayı: 356


Bölməyə aid digər xəbərlər