Bütün xəbərlər
44 günlük Vətən müharibəsinin şəhidi Novruz Məmmədovun mövluduna həsr olunmuş “Bu dünyadan bir qəhrəman Novruz keçdi” adlı tədbir
Tarix: 02-04-2025 11:12 | Bölmə: Reportaj


 Sumqayıtın  Tarixi   Muzeyində   44  günlük   Vətən  müharibəsinin  şəhidi   
Novruz  Məmmədovun  mövluduna   həsr  olunmuş  “Bu   dünyadan  bir  qəhrəman  
 Novruz  keçdi”  adlı   xatirə  gecəsi  keçirildi. Tədbirdə  Azərbaycan   Respublikasının  Dövlət  Himni   səsləndirilərək,  
Vətən  uğrunda   canlarından  keçən  şəhidlərin   xatirəsi  bir  dəqiqəlik   sükutla 
 yad  edildi.  
                     
                     
                     
                     
                     

 Tədbiri  giriş  sözü   ilə  açan  muzeyin   direktor əvəzi  Namiq   Əliyev  hər  kəsi  
 qarşıdan  gələn  Novruz   və  müqəddəs  Ramazan   bayramları  münasibətilə 
 təbrik   etdi. 
 O,Vətən  Torpaq   uğrunda  canlarından  keçmiş   şəhidlərimizə  Allahdan  rəhmət 
  diləyərək,  onların  hər   birinin  xatirəsinin  xalqımız   üçün  dəyərli  olduğunu 
  vurğuladı.  
                         
                         
                         
                         
                         
Tədbirin  aparıcısı,muzeyin  əməkdaşı   Zülfiyyə  Fətəliyeva   iştirakçıları 
 salamlayaraq  şəhid  Novruz  Məmmədovun   həyat   yoluna  həsr   olunmuş  
“Bu  dünyadan   bir  qəhrəman  Novruz   keçdi”  adlı  video – çarxın  təqdimatını   etdi.
Abşeron Xızı  Regional   Mədəniyyət  İdarəsinin  məsləhətçisi   Bayram  Cəfərli, H.Z.Tağıyev  qəsəbəsi    icra  və  bələdiyyə   nümayəndəliyi,  Vətən  müharibəsinin  
 şəhidləri  Abdulla  Əhmədovun   atası   Əhməd  Əhmədov    və  Səbuhi 
 Həsənquliyevin  anası   Maisə   Səbuhi,  H.Z.Tağıyev    qəsəbəsi   6  li   tam  
orta  məktəbin   müəllimələri  Şəlalə  Əsədova   və  Təranə  Umudlu   çıxışları 
 zamanı  Ali  Baş  Komandan   İlham  Əliyevin uzaqgörən    siyasəti  və  Şanlı   
Ordumuzun  sayəsində  30  ilə  yaxın   gözlədiyimiz  tarixi  
ədalətin   bərpa  olunması,  bütün   şəhidlərimizin  ruhuna  ehtiram   
göstərildiyini  qeyd  edərək, şəhid  haqqında  xatirələrini   bölüşdülər. 
                       
                       
                       
                       
                       

Tədbirdə   H.Z.Tağıyev  qəsəbəsi  Ə.Bakıxanov   adına  Uşaq  İncəsənət 
  Məktəbinin  müəllim  heyəti: Firidun  Ağayev,
Mətanət  Məhərrəmova,Taleh  Novruzov,   müğənnilərdən  
Xəyal  Cəbrayıllı   və  Nahid  Cəfəroğlunun   ifasında  Vətənə,
şəhidlərimizə  həsr   olunmuş  musiqi  nömrələri   səsləndirildi. 
 Həmçinin  muzeyin   əməkdaşı  Səidə  Səfərova, Sumqayıt  Dövlət   Universitetinin  tələbəsi  Aysu   Xanlarovanın, TETG – nın  və  H.Z.Tağıyev    qəsəbəsi   6  li  məktəbin  şagirdlərinin  
 söylədikləri  şeirlər  iştirakçılar   tərəfindən  maraqla  qarşılandı. 
                      
Sonda  şəhid   Novruz  Məmmədovun  anası   Şəfiqə  xanım  oğlu   haqqında 
 xatirələrini  bölüşərək,  ailəsi  adından  hər  kəsə  minnətdarlığını  bildirdi.   

 Muzeyin  tərtibatçı   rəssamı  Mətanət  Həsənovanın   şəhidin  şəxsi  əşyalarından 

  ibarət  tərtib  etiyi  sərgiyə  də  baxış   keçirildi. 


Namiq MƏMMƏDLİ
Sabaha-inamla.az





Baxış sayı: 120


Bölməyə aid digər xəbərlər