Şəkidə Xalq şairi Bəxtiyar Vahabzadənin xatirəsi anılıb
Tarix: 13-02-2022 21:49 | Bölmə: Ədəbiyyat


Unudulmaz Xalq şairi, müasir Azərbaycan poeziyasının ən parlaq simalarından olan Bəxtiyar Vahabzadənin yaradıcılığı bədii fikrimizin zənginləşməsində mühüm rol oynayıb. Bütün varlığı ilə sevdiyi xalqının arzu və istəkləri, hiss və duyğuları onun ədəbi-bədii yaradıcılığının mayası, cövhəri olub. Qüdrətli söz ustasının mübariz qələmi bütün dövrlərdə onun saf məslək və əqidəsinə xidmət edib. Şairin əbədiyyətə qovuşmasından on üç il vaxt keçsə də, onun işıqlı xatirəsi qəlblərdə əbədi yaşayır və yaşayacaq.
AZƏRTAC-ın bölgə müxbiri xəbər verir ki, Xalq şairi Bəxtiyar Vahabzadənin vəfatının ildönümü ilə əlaqədar fevralın 13-də onun anadan olduğu Şəki şəhərində xatirə tədbiri keçirilib.
Şəki Regional Mədəniyyət İdarəsinin rəhbərliyi, mədəniyyət işçiləri, ziyalılar əvvəlcə unudulmaz şairin Şəki şəhərinin mərkəzindəki parkda ucaldılan abidəsi önünə gül dəstələri düzüb, xatirəsini ehtiramla anıblar.
Bəxtiyar Vahabzadənin vəfatının ildönümü ilə əlaqədar şairin Şəki şəhərindəki ev-muzeyində “Açıq qapı” günü təşkil olunub. Muzeyi ziyarət edənlərə unudulmaz şairin Azərbaycanın söz sənətinin inkişafındakı xidmətləri barədə geniş məlumat verilib.













Baxış sayı: 282


Bölməyə aid digər xəbərlər
15-04-2022, 11:23 Miraslan Rasim-Şeirlər