11:04 / 21-04-2021
Ramiq Muxtar vəfat etdi
TÜRKÜN SƏSİ-QAFAROV ƏDALƏT İZZƏTOĞLU (ƏROĞLU)
Tarix: 27-02-2021 23:45 | Bölmə: Ədəbiyyat


TÜRKÜN SƏSİ

Bir səs gəlir qulağıma,
Bu bir Tanrı sədasıdır.
Bu Turanın gur səsidir.
Dünyaları fəth edəcək,
Yeni dünya ölkəsidir.
Bilməlidir bunu hər kəs.
İki qardaş yan-yanadır,
Araz ortada sərhəddir,
Dərdi sinəmi qanadır.
Yaraşırmı bu ayrılıq?!
Azərbaycan övladına?
Çox dözmüşük, qar, çovquna,
Parçalanmış bu ölkəmiz,
Qaysaqlanmır yaramız.
Birləşməsək biz gedirik,
Bi minvalla görən hara?
Qalx, Türk qardaşım, Oyan!
Al şəfəqli bayrağına sən də boyan.
Kimdi bizi parçalayıb,
Ağrı, dərdimizi duyan?!
Şəhid edib övladını,
Məzarlara vaxtsız qoyan?
Qan içində körpələrin,
Ahılların gözün oyan?
Vətən-Ana, Ana-Vətən,
De, bunların nə fərqi var?
Fələk verib,
Türk oğluna belə dərdi?
Ərdoğana miras qalıb,
Turanının elə dərdi?
Tanrı oğlu, Türk adamı-
Əroğlunu, həm mərdi,
Bu döyüşün sonu aşkar,
Qələbədi, zəfərdi!


TURAN ELLƏR VAR OLSUN

Turan ellər var olsun,
Qoy aləmə car olsun,
Düşmən baxıb xar olsun.
Tanrı Türkə yar olsun.

Allahdandır payımız,
Cah-cəlallı dünyamız,
Milyonlardı sayımız,
Tanrı Türkə yar olsun.

Salam olsun ellərə,
Turan deyən dillərə,
Alqışlayan əllərə,
Tanrı Türkə yar olsun.

Xoş arzular, ellərə,
Coşub dönsün sellərə,
Uzanmasın illərə,
Tanrı Türkə yar olsun.

Əroğluyam, Ərənlər!
Soykökünü bilənlər,
Bu birliyə gələnlər,
Tanrı Türkə yar olsun.


TURAN HARAYI

Bir nağıl həyatı yaşayıram mən,
Tarixi qələmə alıram hər an.
Kiminə nağıldır, kiminə ağıl,
Ətri var Vətənin, şeirlərimdə.
Bir günəş doğacaq,
dünyamıza nur saçacaq,
al şəfəqə boyanacaq,
dövran belə qalmayacaq.
Gəl, yapış əllərimdən.
Söhbət aç ellərimdən,
Mən bir haray çəkirəm,
Bu Türkün harayıdı.
Vətənim parçalanıb,
Bu torpaq yaralıdır...
Arazla bölünüb ara,
Bu Vətən paralıdır...
Həm o taylı,
həm bu taylı,
bu, Vətən harayıdır!.
Bu, Turan harayıdır!
ruhumun harayıdır!

QAFAROV ƏDALƏT İZZƏTOĞLU (ƏROĞLU)
Hüquqşünas, şair





Baxış sayı: 355


Bölməyə aid digər xəbərlər