Bütün xəbərlər
ABŞ Konqresinin üzvü Ukraynaya yardıma səs verənləri Ukrayna Silahlı Qüvvələrinə qoşulmağa dəvət edib
Tarix: 18-04-2024 16:34 | Bölmə: Dünya

ABŞ Konqresinin üzvü Marjorie Taylor Greene Ukraynaya yardım haqqında ayrıca qanun layihəsinə düzəliş təqdim edib, ona görə Kiyevə əlavə vəsaitin ayrılmasına səs verənlər Ukrayna Silahlı Qüvvələrinin sıralarına qoşulmalı olacaqlar.
Sabaha-inamla.az rus mətbuatına istinadən xəbər verir ki, X sosial şəbəkəsindəki səhifəsində o, yazıb ki, münaqişəni maliyyələşdirmək istəyənlər “Ukraynaya dəstəyini göstərmək üçün” özləri döyüş meydanına getməlidirlər.
Bundan əvvəl ABŞ Konqresinin Nümayəndələr Palatası Ukrayna, İsrail və Tayvana yardım göstərilməsi ilə bağlı üç ayrı sənəd təqdim edib. Qanun layihəsinə əsasən, Kiyevə Ukraynadakı münaqişə ilə bağlı, o cümlədən ATACMS operativ-taktiki raketlərinin ötürülməsi üçün 61 milyard dollar ayırmaq təklif olunur. Lakin bu məbləğin 23 milyardı ABŞ-ın öz silah anbarının bərpasına sərf olunacaq.
Bundan əlavə, Amerika prezidenti bu xərclərin ödənilməsi üçün Kiyevlə danışıqlar aparmalı olacaq. Co Bayden ayrı-ayrı sənədləri dəstəkləyib.




Baxış sayı: 104


Bölməyə aid digər xəbərlər