Bütün xəbərlər
HƏMAS İsraillə atəşkəsin daha iki gün uzadıldığını elan edib
Tarix: 27-11-2023 22:43 | Bölmə: Dünya

HƏMAS İsraillə atəşkəsin daha iki gün uzadılması barədə razılığa gəlib.
Sabaha-inamla.az rus mətbuatına istinadən xəbər verir ki, bu məlumatı Fələstin hərəkatının özü verib və vasitəçi qismində çıxış edən Qətər Xarici İşlər Nazirliyi də təsdiqləyib.
"Qətər Xarici İşlər Nazirliyinin sözçüsü İsrail və HƏMAS-ın atəşkəsi daha iki gün uzatmaq barədə razılığa gəldiyini bildirib", - "Associated Press" xəbər agentliyi yazır.
Bu arada İsrailin "Haaretz" nəşri HƏMAS-ın İsrail həbsxanalarında olan fələstinli məhbuslarla dəyişdiriləcək girovların yeni siyahılarını hazırladığını bildirib.
HƏMAS daha əvvəl üç qrup girovu azad etmişdi. İsrail hərbçiləri artıq mübadilə prosesi başa çatdıqdan sonra Qəzza zolağında quru əməliyyatlarını bərpa edəcəyini açıqlayıb. Fələstin hərəkatı daha çox məhbusun azad edilməsinə kömək edəcəyi üçün atəşkəsin uzadılmasına çağırıb.
Noyabrın 24-dən bəri ən azı 58 israilli girov Qəzza zolağından çıxarılıb, Beynəlxalq Qızıl Xaç Komitəsinin baş direktoru Robert Mardini bildirib. Eyni zamanda 85 fələstinli məhbus İsrail həbsxanalarından İordan çayının qərb sahilinə gətirilib.


Baxış sayı: 67


Bölməyə aid digər xəbərlər