Millət vəkili Goranboyda şəhid ailələrini ziyarət edib - Foto
Tarix: 16-01-2021 18:15 | Bölmə: Sosial

                   Millət vəkili Goranboyda şəhid ailələrini ziyarət edib


96 saylı Goranboy-Naftalan seçki dairəsi üzrə Milli Məclisin deputatı Anar Məmmədov Goranboyda şəhid ailələrini ziyarət edib.
"Qafqazinfo" xəbər verir ki, millət vəkili əvvəlcə qəhrəman şəhidlərimizin məzarlarını ziyarət edib, daha sonra şəhidlərimizin evlərinə gedən Anar Məmmədov Azərbaycanın suverenliyi uğrunda şəhid olanlara Allahdan rəhmət, ailə üzvlərinə isə səbir diləyib.
Millət vəkili bildirib ki, vətənimizin mərd, cəsur övladarı ali bir amal - Vətən torpaqlarının işğaldan azad edilməsi uğrunda döyüşərkən şəhidlik zirvəsinə ucalıblar. Şəhidlərimizin fədakarlığı xalqımızın qəlbində daim yaşayacaq, gələcək nəsillər üçün qəhrəmanlıq məktəbi olacaqdır. Şəhid adını uca tutmaq isə hamımızın vətəndaşlıq borcudur.
Anar Məmmədov şəhid ailələrini narahat edən məsələlərlə də yerində maraqlanıb.
Şəhidin valideynləri də şəhid ailələrinə göstərilən diqqət və qayğıya görə ölkə rəhbərliyinə - Prezident İlham Əliyevə və Birinci vitse-prezident Mehriban xanım Əliyevaya dərin minnətdarlığını bildiriblər.






Baxış sayı: 101


Bölməyə aid digər xəbərlər