Bütün xəbərlər
Azərbaycan Milli Elmlər Akademiyası Naxçıvan Bölməsinin 2020-ci il üzrə hesabatı təsdiqlənib
Tarix: 13-01-2021 02:32 | Bölmə: Sosial


Azərbaycan Milli Elmlər Akademiyası Rəyasət Heyətinin yanvarın 12-də keçirilən iclasında AMEA Naxçıvan Bölməsinin 2020-ci ildəki elmi və elmi-təşkilati fəaliyyəti haqqında hesabatı dinlənilib.
Sabaha-inamla.az-a AMEA Naxçıvan Bölməsinin mətbuat xidmətindən verilən məlumata görə hesabatı Naxçıvan Bölməsinin sədri, akademik İsmayıl Hacıyev 
təqdim edib. Bildirib ki, 2020-ci il ərzində elmi-tədqiqat işlərinin təsdiq edilmiş planına uyğun olaraq 6 elmi isti­qamətdə 6 prоblemi əhatə edən 7 mövzuda 38 iş 97 mərhələdə ye­rinə yetirilib, 8 mühüm nəticə əldə edilib. Tədqiqatlar 2 akade­mik, 4 müx­bir üzv, 4 elm­lər dоk­tоru, 55 fəlsəfə dоk­tоru, 32 doktorant və dissertant оlmaqla 97 nə­fər elmi və köməkçi heyət tərəfindən yerinə yetirilib.
Cari ildə bölmə əməkdaşlarının 18 monoqrafiyası, 19 kitabı, 1 metodik vəsaiti, 462 elmi məqaləsi, 207 konfrans materialı, 12 tezisi, ümumilikdə 719 elmi əsəri nəşr olunub.Bir xəritə və bir buklet tərtib edilib.Əsərlərdən 172-si xaricdə çap olunub. 57 məqalə yüksək impakt faktorlu jur­nallarda işıq üzü görüb, onlardan 20-si Thomson Reuters indeksli jurnallar siyahısına daxildir. Əsərlərə 522 istinad qeydə alınıb.
Hesabat dövründə bir beynəlxalq, iki respublika, yeddi muxtar respublika səviyyəli konfrans, tədbir və təqdimatın keçirildiyini diqqətə çatdıran bölmə sədri bildirib ki, 2020-ci ildə 2 beynəlxalq sə­viyyəli qrant layihə­­si­nin icrası davam etdirilib.
İ.Hacıyev daha sonra bölmənin tətbiq yönümlü fəaliyyətinə diqqət çəkərək Qabıllı və Duzdağdan gətirilmiş gil nümunə­lərindən palçıq və toz şəklində yuyucu vasitə isteh­salı üçün hazırlıq işlərinin həyata keçirilməsi, müalicəvi “Şorsu” pal­çığının quru, palçıq formasında istehsalı ilə bağlı dinləyiciləri məlumatlandırıb. O bildirib ki, bölmədə həmçinin gülab və çaytikanı yağının istehsalı sahəsində də uğurlu nəticələr əldə olunub.
Alim Naxçıvan Bölməsinin 2020-ci ildəki beynəlxalq və respublika əhəmiyyətli əlaqələri haqqında da məlumat verib. Təhsil Nazirliyi ilə birgə həyata keçirilən “Sabahın tədqiqatçıları” layihəsi çərçivəsində qazanılmış uğur və nailiyyətləri diqqətə çatdırıb. O,bölmədəki elmlər doktorluğu və fəlsəfə doktorluğu hazırlığının vəziyyətindən bəhs edərək bildirib ki, ha­zır­da burada 14 nəfər doktorant, 38 nəfər dis­ser­tant müvafiq disser­tasiyalar üzrə təd­qi­qatları da­vam etdi­rir­­lər.
Sonda hesabatın qəbul edilməsi məqsədəuyğun hesab olunub.


Sabaha-inamla.az



Baxış sayı: 352


Bölməyə aid digər xəbərlər