Bütün xəbərlər
Vüqar Əhmədi- İbrahim Yusifoğlu
Tarix: 28-04-2023 22:44 | Bölmə: Ədəbiyyat
               
Vüqar Əhmədi

Ömrünü şam edib sözə, nəğməyə,
Bolluca bar verib halal zəhməti,
Qəlbinin saflığı çatır köməyə,
Hamıya sevdirib Vüqar Əhmədi.

Adı yayılıbdı  türk ellərində,
Nəğməsi səslənir dost dillərində,
Şöhrəti Bakının səhər mehində,
Dünyaya yetirir Vüqar Əhmədi.

Turan şairidir, alıb çox adlar,
“Fəxri ağsaqqal” tək fəxri adı var,
Vüqarlı zirvəyə aparır yollar,
Qartallar gözləyir Vüqar Əhmədi.

Sanmayın ərköyün, ya əsəbidi,
Saflıq, təmizlikdi niyyət, səbəbi,
Hər an yerindədi ərkan-ədəbi,
Hörmətə gətirir Vüqar Əhmədi.

Ömrü şam eyləyib elmə, nəğməyə,
Hər anın sərf edib halal əməyə,

60 baharında sevinc, fərəhlə,
Təbrik eyləyirik Vüqar Əhmədi.
17.04.2023
 İbrahim Yusifoğlu



Baxış sayı: 373


Bölməyə aid digər xəbərlər