Bütün xəbərlər
Bakıda Mehmet Akif Ersoyun yubileyi keçirildi
Tarix: 14-03-2023 08:19 | Bölmə: Ədəbiyyat



Yunus Əmrə İnstitutunda türk şairi Mehmet Akif Ersoyun 150 illik yubiley və “İstiqlal” marşının 102-ci il dönümü ilə əlaqədar tədbir keçirilib. Tədbirdə Türkiyənin ölkəmizdəki səfiri Cahid Baxçı, BDU-nun şərqşünaslıq fakültəsinin dekanı Aydan Xəndan, Xarici Dillər Universitetinin Türkiyə araşdırmaları mərkəzinin direktoru Elçin İbrahimov və Pedaqoji universitetin Türkiyə mərkəzinin direktoru Elman Quliyev iştirak ediblər. Onlar M.A.Ersoyun əsərlərindən, yaradıcılığından danışıblar.
Bugun.tv-yə müsahibə verən Yunus Əmrə İnsitutunun direktoru Selçuk Karakılıç Mehmet Akif Ersoy yaradıcılığının qardaş ölkə üçün önəmindən bəhs edib. “Mehmet Akif Ersoy “İstiqlal” marşından əlavə, “Safahat” şeirini yazan önəmli bir şairimizdir. Eyni zamanda, Akif Ersoy Türkiyənin yetişdirdiyi böyük bir addır. Bu baxımdan, biz onu anmaq və yeni nəsillərə tanıtmaq üçün bu tədbiri təşkil etdik. Ancaq bilirsiniz ki, bütün dünyada bu cür böyük şairlər böyük tədbirlərlə anılır. Türkiyədə baş verən zəlzələlərə görə bu tədbiri geniş şəkildə keçirə bilmədik. Əslində həm sərgi, həm də konsert olacaqdı. Zəlzələdə həyatını itirənlərin xatirəsinə bu iki tədbirdən imtina etdik”.
“İstiqlal” marşı Türkiyənin milli müqavilə mətni olduğuna görə hər il bunun qəbulu il dönümündə böyük tədbirlər təşkil olunur.
S.Karakılıç bildirib ki, 150 illik yubileylə əlaqədar azərbaycanlı heykəltaraş Mehmet Akif Ersoyun büstünü hazırlayıb. Bu büstü Bakıdakı hər hansı bir parka onun adını verib, abidəsinin açılmasını istəyirik. “2021-ci ildə Ankarada Əhməd Cavadın heykəli quruldu. Biz də milli şairimizin büstünü Bakıda görmək istərdik. Türkiyədə Əhməd Cavadla bağlı konfrans və panellərin təşkili də planlaşdırılır. Ancaq zəlzələyə görə ilin ilk 6 ayı yox, son 6 ayında bu tərz proqramlar keçiriləcək. Bundan başqa, davamlı olaraq Bakıda Mehmet Akif Ersoy, Türkiyədə isə Əhməd Cavadla bağlı sərgi və konfransların təşkili nəzərdə tutulub”.

Müəllif: Nigar Məmmədova
    



Baxış sayı: 335


Bölməyə aid digər xəbərlər