Bütün xəbərlər
Ədalət Əroğlu ildönümü olan şəhidimizə şeir həsr etdi
Tarix: 25-10-2022 21:48 | Bölmə: Ədəbiyyat


   Bu gün 44 günlük müharibədə şəhidlik zirvəsinə ucalmış Məmmədov Novruz İnrilab oğlunun ikinci ildönümüdür.Sabaha-inamla.az Hüquqşünas, Şair
Qafarov Ədalət İzzət oğlunun (ƏROĞLU) şəhidimizə həsr etdiyi şeiri oxucuların nəzərinə çatdırır.

ŞƏHİDİMİZ NOVRUZA

Novruzda göz açdın fani dünyaya,
Şükr etdi qohumlar verilən paya,
Ucaldı şöhrətin Günəşə, Aya,
Qeyrətindən seçdin Şəhid adını.

Köksünü sən verdin oda, ocağa,
Çəkilib durmadın küncə, bucağa,
Alqış olsun sənin kimi qoçağa,
Qeyrətindən seçdin Şəhid adını.

Taxdığın üzüyün barmaqda qaldı,
İstəkli sevgilin duvaqda qaldı,
Yazdığın məktubun varaqda qaldı,
Qeyrətindən seçdin Şəhid adını.

Məzarın cənnətdir, gülə boyanıb,
Önündə baş əyir, dostlar dayanıb,
Sənin yoxluğuna yadlar da yanıb,
Qeyrətindən seçdin Şəhid adını.

Yazdın ki, “ağlama, ay, anam-bacım!”,
Üçrəngli bayraqdır başımda tacım,
İndi məqamıdır, sirrini acım:
Qeyrətindən seçdin Şəhid adını.

Novruzum! Vətənlə eyni cahansan.
Vətənə ürəkdən qan verən cansan.
Turan adlı bütöv Azərbaycansan!
Qeyrətindən seçdin Şəhid adını.

ALLAH BÜTÜN ŞƏHİDLƏRİMİZƏ RƏHMƏT ELƏSİN!
RUHLARI ŞAD, MƏKANLARI CƏNNƏT OLSUN.

AYB və AJB-nin üzvü,
Hüquqşünas, Şair
Qafarov Ədalət İzzət oğlu (ƏROĞLU)
25.10.2022



Baxış sayı: 283


Bölməyə aid digər xəbərlər
16-09-2022, 11:24 Şəhidim-Xalidə Nuray