Qənirə Paşayeva Arif Buzovnalını 50 illik yubileyi münasibəti ilə təbrik edib
Tarix: 18-09-2022 11:15 | Bölmə: Ədəbiyyat

Milli Məclisin Mədəniyyət Komitəsinin sədri Qənirə Paşayeva Azərbaycan Yazıçılar Birliyinin Xəzər bölməsinin sədri, şair qəzəlxan Arif Buzovnalı ilə görüşüb, onu 50 illik yubileyi münasibəti ilə təbrik edib, ürək sözlərini bölüşüb:
“Hörmətli Arif müəllim,
Sizi 50 illik əlamətdar yubileyiniz münasibəti ilə təbrik edir, yeni yaradıcılıq uğurları diləyirəm!
Siz 1972-ci il sentyabrın 6-da Bakının Buzovna qəsəbəsində ziyalı ailəsində doğulmusuz. 1979-1989-cu illərdə doğma Buzovnada orta məktəbdə təhsil almış, sonrakı illərdə Azərbaycan Pedaqoji İnstitutuna (indiki ADPU) qəbul olsanız da, ali təhsilə başlamadan könüllü olaraq öncəbhəyə - Qarabağa yollanmış və atəşkəsə qədər (01.05.1994) cəbhədə olmusuz.
Sizin ədəbi fəaliyyətiniz erkən yaşlarınıza təsadüf edir. Bakıda və Abşeronda fəaliyyət göstərən müxtəlif ədəbi məclislərin, o cümlədən “Füzuli” və “Məcməüş-şüəra” məclislərinin üzvü olmusuz. Ardıcıl olaraq dövri mətbuatda bədii əsərlər və müxtəlif mövzulu məqalələrlə çıxış etmisiz. 2003-cü ildə Təbrizdə keçirilən “Şeri-tənz” Beynəlxalq Şeir Müsabiqəsinin, 2010-cu ildə Urmuda keçirilən “Rəzəvi” Beynəlxalq Şeir Festivalının qalibi olmusuz. 2011-ci ildən isə “Rəzəvi” festivalının türkdilli şeir üzrə münsifisiz. Şeirləriniz xarici dillərə çevrilib və müxtəlif ölkələrin mətbuatında çap olunub. Özünüz də müxtəlif dillərdən maraqlı tərcümələrlə çıxış etmisiz.
Altı kitabınız gün üzü görüb.
Sizi bir daha, 50 illik yubileyiniz və bütün uğurlarınız münasibəti ilə təbrik edir, möhkəm can sağlığı diləyir, ən xoş arzularımı yetirirəm”!
Q.Paşayeva A.Buzovnalıya xatirə hədiyyəsi bağışlayıb.

Sabaha-inamla.az



Baxış sayı: 48


Bölməyə aid digər xəbərlər
16-09-2022, 11:24 Şəhidim-Xalidə Nuray