Bütün xəbərlər
Almas İldırımın anadan olmasının 115, vəfatının 70-ci ildönümü münasibəti ilə tədbir keçirilib
Tarix: 13-09-2022 04:21 | Bölmə: Ədəbiyyat

     “Qala” Dövlət Tarix-Etnoqrafiya Qoruğunun ərazisində yerləşən Əntiq Əşyalar Muzeyində Azərbaycanın ünlü mühacir şairi, Azərbaycan və Türkiyə qardaşlığının və ortaq dəyərlərinin təcəssümü olan Almas İldırımın anadan olmasının 115, vəfatının 70-ci ildönümü münasibəti ilə tədbir keçirilib.
   


      İçərişəhər Dövlət Tarix-Memarlıq Qoruğu İdarəsindən Sabaha-inamla.az-a verilən məlumata görə tədbir Azərbaycan Respublikası Milli Məclisinin Mədəniyyət komitəsinin, Xəzər Rayon İcra Hakimiyyətinin və “İçərişəhər” Dövlət Tarix-Memarlıq Qoruğu İdarəsinin birgə təşkilatçılığı ilə keçirilib.
     

      Xəzər Rayon İcra Hakimiyyətinin başçısı Elşən Salahov, Milli Məclisin Mədəniyyət komitəsinin sədri Qənirə Paşayeva, millət vəkilləri Soltan Məmmədov, Rauf Əliyev, Elnur Allahverdiyev, Tamam Cəfərova, İçərişəhər Dövlət Tarix-Memarlıq Qoruğu İdarəsinin İdarə Heyətinin sədri Şahin Seyidzadə, Almas İldırımın Bakıdakı qohumları ilə onun keçdiyi çətin mühacirlik həyatından, yaradıcılığından, milli ruhunun qorunması, zənginləşdirilməsi yönündəki xidmətlərindən danışıblar.
      Daha sonra Milli Məclisin Mədəniyyət Komitəsinin sədri Qənirə Paşayevanın və fəlsəfə üzrə fəlsəfə doktoru, dosent Faiq Ələkbərlinin müəllifi olduğu “Bir Vətəndən bir Vətənə Almas Yıldırım” kitabının təqdimatı keçirilib. Tədbir Almas İldırımın sözlərinə yazılmış mahnıların ifası ilə davam edib.

Sabaha-inamla.az





























Baxış sayı: 155


Bölməyə aid digər xəbərlər
16-09-2022, 11:24 Şəhidim-Xalidə Nuray