Bütün xəbərlər
"ƏDALƏT İŞIĞINDA" Ədəbi-bədii məclisində növbəti tədbir
Tarix: 30-07-2022 22:31 | Bölmə: Ədəbiyyat

    30 iyul 2022-ci il tarixdə "ƏDALƏT İŞIĞINDA" Ədəbi-bədii məclisində Azərbaycanımızın dəyərli söz ustaları və poeziya sevərlərimiz ilə görüşümüz oldu.
      "Ədalət işığında" ədəbi-bədii məclisin sədri, AJB-nin üzvü Ədalət Əroğlu Məclis üzvlərini salamlayaraq ədəbi məclisi açıq elan etdi. Məclisin Sədri Hüquqşünas, şair-publisist Ədalət Qafarov (ƏROĞLU) Vətənimiz uğrunda canlarından keçən Şəhidlərimizin xatirələrin andı, Döyüşlər zamanı xəsarət alan Müharibə Veteranları, Qazilərimizə isə Allahdan sağlamlıq dilədi.
   


Ədəbi Məclisin sədri çıxış edərək bildirdi ki, Azərbaycanımızın vətənpərvər şairlərindən biri əslən Qubadlıdan olan, AYB və AJB-nin üzvü, şair-publisist Elburus Qayalının bu günkü tarixdə dünyaya gəliş günü, yəni "Ad Günü"dür. Ad Günü münasibəti ilə dəyərli şairimizi "Ədalət işığında" Ədəbi Məclis və eləcədə rəhbəri olduğu "İZZƏT" MMC Hüquq Xidməti və Tədris Mərkəzi Kollektivi adından təbrik edib ona uzun ömür, can sağlığı, ədəbi yaradıcılığında uğurlar diləyib növbəti Ad Günlərini doğma Qubadlı rayonunda- Zəngəzur Mahalında qeyd etməsini arzuladı.
   

      Məclisdə dəyərli şairlərimizdən AJB-nin üzvü, satirik publisist şair Miraslan Rasim, AYB və AJB-nin üzvü şair-publisist Mürvət Qədimoğlu Həkəri, şair-publisist Hidayət Qarabulaq, Sabaha-inamla.az xəbər portalının təsisçisi və baş redaktoru, bir çox mükafatlar laureatı Namiq Məmmədli və gənc qiraətçilər, dinləyicilər iştirak etdilər. Məclisdə iştirak edən şairlərimizin hər biri Şair Elburus Qayalıya "Ad günü" münasibəti ilə xoş arrzu və diləklərini bildirib özlərinin bir neçə yeni şeirlərini səsləndirdilər.
     Məclis iştirakçıları "Ədalət işığında" Ədəbi Məclisin fəaliyyətindən söz açıb, yeni şeirlərini səsləndirərək müzakirələr etdilər.
Sonda yadda qalan şəkilləri çəkən operatorumuz Reyhanə xanım Şükürovaya Ədəbi Məclisimiz adından dərin minnətdarlığımızı bildirdik.
Bir sözlə, bu gün də özünə məxsus mənalı bir gün oldu. Yeni şeirlər, yeni fikirlər dinlədik.
     Məclisimizin sonunda məclis iştirakçıları ilə yadda qalan şəkilləri çəkdirdikdən sonra çay süfrəsində məclisimiz davam etdirdik. Bir sözlə çox maraqlı bir gün oldu.
     Məclisdə iştirk edən və ürəyi bizimlə olan, müəyyən səbəblərdən məclisimizə qoşula bilməyən dəyərli şairlərimizə də təşəkkür edirəm.

Hüquqşünas-şair Qafarov Ədalət İzzət oğlu (ƏROĞLU)

AJB-nin üzvü,"ƏDALƏT İŞIĞINDA" Ədəbi Məclisin sədri











Baxış sayı: 546


Bölməyə aid digər xəbərlər
16-09-2022, 11:24 Şəhidim-Xalidə Nuray