21:43 / 06-08-2026
Media: Yevgeniya Qutsul qadın həbsxanasına köçürülüb
21:39 / 06-08-2026
Ukraynanın keçmiş prezidenti Yuşşenko yeni vəzifəyə təyin edilib
21:35 / 06-08-2026
Litva Baltikyanı ölkələrə mümkün Ukrayna pilotsuz təyyarələrinin hücumunu elan edib
21:32 / 06-08-2026
Bir qız attraksiondan yıxıldı
21:15 / 06-08-2026
Keçmiş ÇSKA və "Spartak Moskva" futbolçusu Zabolotnı altı ay müddətinə diskvalifikasiya edildi
21:11 / 06-08-2026
Zelenski Ukraynanın 2027-ci ilə qədər öz ballistik sistemini inkişaf etdirəcəyinə ümid edir
21:05 / 06-08-2026
Zoopark işçisi ayının ona niyə hücum etdiyini izah etdi
21:00 / 06-08-2026
Xirosima merini ABŞ-dan bəhs etmədiyinə görə tənqid etdi
20:49 / 06-08-2026
Keçmiş Ali Rada üzvü Oleinik Umerovu ABŞ casusu adlandırır
20:42 / 06-08-2026
Stüardessanın baqajından 2 milyon rubl dəyərində 15 şüşə elit şərab tapılıb
20:36 / 06-08-2026
Xarici İşlər Nazirliyi Yerevanın Rusiyanı şantaj etmək cəhdlərinə münasibət bildirib
20:33 / 06-08-2026
Politoloq Hörmüz boğazında güzəştə gedəcəyi təqdirdə İran üçün riskləri qeyd edir
20:29 / 06-08-2026
Rusiya Xarici İşlər Nazirliyi: Yaponiya ABŞ-ın atom bombalamalarına görə məsuliyyətini etiraf etməli olacaq
20:24 / 06-08-2026
Məktəb yaşlı uşaqları olan ailələrin hər biri 5000 rubl alacaq
20:21 / 06-08-2026
Polis təqaüdçüyə hücum edən kişini saxlayıb
20:19 / 06-08-2026
Ermənistan Parlamentinin sədri Rusiyaya mal ixracı məsələsini qaldırdı
20:16 / 06-08-2026
Pit Heqsetin Siyasi İşlər üzrə Katibinin müavini Çinə dəvət ala bilmir
20:03 / 06-08-2026
Lavrov Rubioya bildirib ki, Kiyev Qərb olmadan terror hücumları həyata keçirə bilməzdi
20:00 / 06-08-2026
Polşada naməlum şəxslər Ukrayna abidəsinə zərər vurublar
19:57 / 06-08-2026
NYT: Qərb müttəfiqləri Kiyevə raket təhvil verməkdə tərəddüd edirlər
19:53 / 06-08-2026
İrakli Kobaxidze Gürcüstanda rus turistlərin təhlükəsizliyinə zəmanət verdi
19:46 / 06-08-2026
Anqola, Afrika və biznes əməkdaşlığının növbəti fəsli
21:09 / 05-08-2026
Nyu-York ölümcül xəstə sakinlər üçün evtanaziyanı qanuniləşdirib
21:06 / 05-08-2026
İtkin düşmüş təyyarənin pilotları ilə əlaqə saxlanılıb
21:02 / 05-08-2026
Cənubi Koreyada istidən 20-dən çox insan ölüb
20:56 / 05-08-2026
Roskosmos baş institutunda yanğın baş verib
20:53 / 05-08-2026
İspaniya 2030-cu il Dünya Kubokuna Mərakeşlə birgə ev sahibliyi etməkdən imtina edə bilər
20:51 / 05-08-2026
BMT: El-Ninyo 2027-ci ilin sonuna qədər daha 49 milyon insanı aclığa sürükləyə bilər
20:48 / 05-08-2026
Ölüm hökmünün Rusiyaya qaytarılmasını tələb etdi
20:35 / 05-08-2026
Sərxoş ata azyaşlı qızını döyüb
20:32 / 05-08-2026
DHL yük təyyarəsi Leypsiq üzərində naməlum əşya ilə toqquşub
20:22 / 05-08-2026
Taylandda oyun zamanı ildırım futbolçunu öldürdü
20:17 / 05-08-2026
Nasist döyməsi göstərdiyinə görə doqquz ay həbs cəzasına məhkum edilib
20:11 / 05-08-2026
FTB direktoru Rusiya və Çinlə əməkdaşlıqdan danışdı
20:06 / 05-08-2026
Kiyev kameraları 11 "İskəndər" raket zərbəsini qeydə alıb
20:04 / 05-08-2026
NYT: Rusiya ABŞ-ın "Patriot" raketləri üçün istehsal etdiyindən daha çox ballistik raketdən istifadə edir
Xalidə Nuray-Şeirlər
Tarix: 05-12-2018 20:19 | Bölmə: Ədəbiyyat
Şeytanlar... Tanrıdan alıb
Dünyaya göz açdım bir qış səhəri
Çatanda gecəyə baxıb ağladım.
Mənimlə doğuldu ömrün qəhəri,
Səsimi içimə sıxıb ağladım.
Hələ də danışa bilmirəm dünya,
Arzular qalanıb yanır səssizcə.
Doğrunu danışan dilimi udub,
Sözümü yeyirəm qəmlə gizlicə.
Yalanlar başyeyən Bayquşa dönüb,
Doğrunu göynədən duzuyla yeyir.
Əyninə qaradan don geyindirib,
Başına börk qoyub,böhtanı deyir.
Ümidsiz insana yıxılan dünya,
Boğulan vicdana,boş məzar olub.
Adəm övladını aldadıb çoxdan,
Şeytanlar dünyanı Tanrıdan alıb.
Ana yurdum
Darıxmışam-
uşaqlıq illərinin,
şirin xatirəsinə.
Kəndimizin gecəsinə
hay-haraylı səhərinə...
Sübh çağı oyanıb,
Xoruzun ban səsinə,
pəncərədən yarıyuxulu
boylanıb...
qoyun-quzu mələşməsinə,
Təbiətin ecazkar
nəğməsini duymağa,
çox darıxmışam.
Dağətəyi yaylağınıın,
tər-təmiz havasını,
ciyərimə çəkməyə,
"Qızlar" bulağının...
buz suyundan içməyə,
lap yanıxmışam....
Yaşıl yamaclarında,
kəklikotu, bir də çaşır, bolunu,
baldırğanı, qazayağı, şomunu...
əlimlə yığmağa,
çox darıxmışam...
Ordubad limonu,
Şahbuzun balı,
Sədərək üzümü,
həm də, doşabı,
Şərurun göycəsi,
ərik, şaftalı...
dadını almağa,
çox alışmışam.
Yığışıb təndir başına,
baxmazdıq,
tüstüdən anamın...
yanağında göz yaşına.
Dartışardıq,
bölüşməkçün,
bişirdiyi fətirini, lavaşını...
Yaman darıxmışam
Görməkçün anamın
O müdrik baxışını...
35 illik həyat yollarının ağırlıqlarını
çiyinlərimizdə,əzablarını isə qəlbimizdə
"gülə-gülə" daşıdıq...
"35 illik ömrümüzdən düşən ləçəklərin ağrısına birlikdə məlhəm olduq"
Sevgi ağlayır
Bir sevgi ağlayır içimdə yenə,
Qəhrinə düşübdü ötən illərin.
Söndürüb eşqindən yanan çırağı,
Zülmünə sığınıb itən illərin.
Yol gedir ümidlər zülmətə sarı,
Özümü-özümdə tapa bilmirəm.
Sənli xatirələr didir qəlbimi,
Suallar əlindən qopa bilmirəm.
Ruhuma can verir arzu-diləyim,
Gözümdən məhəbbət axır yaş kimi.
Tablaşmır ürəyim, ürək neyləsin,
Nifrətə sarılıb olub daş kimi.
Yetim uşaq kimi ağlayır sevgim,
Neyləsin ocağı uçub, dağılıb.
Göz yaşı içində sökük divardan,
İslanan şəklimiz asılı qalıb.
Bu nə sirdir İlahi
Nə zaman doğulur nə zaman ölür,
Dərk etmirik bu nə sirdir, İlahi?
Olanda da, öləndə də ağlayır,
Heç bilmirik bu nə sirdir, İlahi?
Kiminin bəxtinə sevinc ələyir,
Kiminsə könlünü qəmə bələyir,
Qismətə,taleyə məğlub eyləyir,
Heç bilmirik bu nə sirrdir, İlahi?
Uşaqlıqda nələr olur bilmirsən,
Cavanlığın yaşa dolur bilmirsən,
Gözəlliyin gül tək solur bilmirsən.
Heç bilmirik bu nə sirrdir,İlahi
Gördüklərin keçmişinə ox olur,
Sevinən az, kədərlənən çox olur,
Bu gün olan, sabah üçün yox olur.
Heç bilmirik bu nə sirrdir,İlahi?
Ruhsuz ömür
Əhdi-peyman etdim bir vəfasıza,
Könlünə adımı yazdığı üçün.
İnandım, güvəndim etibarına,
Ruhuma gizlicə sızdığı üçün.
On altı yaşında sevib, sevildim,
Sanki yer də mənə asiman oldu.
Sevda dənizində üzdüm dalğa tək,
Sonda ümidsizlik bir liman oldu.
Acılı-şirinli günlər yaşadım,
Acılar yolumda pillələr oldu.
Qürurla dərdimi yaşadım, ancaq-
Bu namərd həyatda gör nələr oldu?!
Ən yaxın yolumu uzaq eyləyib,
Bəzədi ömrümü qarla, yağışla.
Könlümdə buzlanan xatirə kimi,
Qırdı ürəyimi soyuq baxışla.
Həsrətə qaladım ümidlərimi,
Könlümün qəhrində solan mən oldum.
Xəyanət ömrümün durdu qəsdinə,
Ruhumu dəfn edib, qalan mən oldum.
Xəyallarımın göz yaşı
Xəyaldan asılı ümidlərimdən,
Sevgisiz həyata nifrət doğulur.
Arzular dalınca qaçan könlümün,
Gözündə boy atan arzu böğulur.
Üçan xəyalımda gizlənir eşqim,
Allanır həyalı utanc yanağım.
Hərdən küskünləşib boynunu bükür,
Hərdən gülüşümə olur qonağım.
Nəmli xəyalımın göz yaşı olur,
Üşüyən ümidin, donan baxışın.
Könüldə silinməz ilmə toxuyur,
Qəlbimi oxşayan sevda naxışın.
Qara xəyallarım azır səmada,
Zülmətə bürünür, dolur buludlar.
Qərib duyğularım göz yaşlarıyla,
Əl atıb içimdə köksümü odlar.
Buludlar içində ötən xəyallar,
Məni uzaqlara aparır yenə.
Bir vüsal soraqlı dərd aşiqi tək,
Məni öz mənimdən qoparır yenə.
Naxçıvanım
Naxçıvanım qeyrət qalam,
Doğma müqəddəs torpağım.
Qərinələr yaddaşısan,
Məğrur, bölünməz oylağım.
Ayna gözlü “Zorbulağın”,
“Əlincən” alınmaz qala.
Batabatın havasında,
Könül istər yata, qala.
Əshabi-Kəhf məbəd yerin,
Daşlarından şəfa damar.
Ümidlərlə qovuşanda,
Dərdlilər əlacın tapar.
Mirzə Cəlil hər daşında,
Qopan haqqın sədasıdı.
Məmməd Said Ordubadi,
Nəsrimizin nidasıdı.
Vətəniylə qucaqlaşan,
Cavidin həsrət gözüsən.
Məmməd Araz dühasının,
Şah əsəri, şah sözüsən.
Möminə-Xatun türbəsi,
Hüsnünə bir yaraşıqdı.
Qürbətdə Təbriz elinə,
Şərqdən boylanan işıqdı.
Hər an səni didib udan,
Düşmənlərə göz dağısan.
Unutmasın düşmənlərin,
Nuh Peyğəmbər ocağısan.
Xalidəyəm, hər an sənin,
Sevgin ilə yaşayıram.
Səndən aldığım qüruru,
Fəxarətlə daşıyıram.
Canlı ölüyük
Ömrün pilləsinə uşaq yaşımdan,
Əzabla qalxmağa tək öyrənmişəm.
Namərdlər əlindən çox yara alıb,
Qalxdığım zirvədən hərdən enmişəm.
Əzəldən çətinlik olub qismətim,
Niyyətim hər zaman düzə yönəlib.
Düşən anlarımda mənə gülənin,
Qalxanda gülüşü qəmə bələnib.
Yaxşını-yamanı tanıyım deyə,
Min kərə oyulub könül oylağım.
Qoymadım qürurum başını əyə,
Dar gündə Allahım, olub dayağım.
Bəlkə də, dünyanın çatıbdı sonu,
Nə qədər günahıq ,günah yüklüyük.
Nəfsiylə boğulan Şeytan xislətli,
İnsanlıq öldürən canlı ölüyük.
Oğul gərək
Vətənimi qorumağa-
Mübariz tək məğrur, qorxmaz,
Əsrlərlə yaddan çıxmaz,
Damarında,
qanla qoşa qeyrət axan,
Tapdaq "Vətən"torpağında,
Şimşək kimi alov çaxan,
İldırım tək parçalayan,
Oğul gərək!
Vətənimi qorumağa-
Arxasına dönüb baxmaz,
Vətəninin şərəfinə qara yaxmaz,
Həyatını qurban verən,
Qüruruyla, hünəriylə,
Hər əzaba sinə gərən,
Düşmənin murdar izini,
Öz qanıyla daşdan silən,
Fərid kimi paralayan,
Oğul gərək!
Vətənimi qorumağa-
Soy -kökündən əsla dönməz,
Tarixlərin yaddaşında heç vaxt ölməz,
Milyonları bir ürəkdə qovuşduran,
Ocağında qora dönüb alışdıran,
Vətənimdən ayrı düşən,
Ulduzları barışdıran,
Öz canını ana yurdun
Torpağına qarışdıran,
Vətən üçün ölümüylə qürurlanan,
Oğul gərək!
Divanə tək
Sənlə keçən günlərimi,
Vərəq-vərəq yada salır,
Ağlayıram için-için.
Göz yaşlarım süzülərək,
döyəcləyir kipriyimi,
Dağ qoynunu yarıb gələn,
Sərt daşlara dəyə-dəyə,
İntihara sürüklənən,
Şəlalə tək...
Arıyıram tapmaq üçün,
Bölüşərək ah-zarımı,
Səssizlikdə inildəyən,
fəryadımı
Kam almayan,tənhalaşan,
Sən olmayan,
öz dünyamı,
Çiliklənən...
Biçarə tək...
Yalvarıram "Allah"ıma
Həyatımdan atmaq üçün,
Keçmişimi,
Qəlbi didən saxta üzü,
Ögey baxışlı gözləri,
Yaddaşımdan qara izi
Tonqal quram,cayır-cayır,
Mən yandıram,
Sevdasından dəli olan,
Divanə tək...
Azərbaycan
Azərbaycan, ana yurdum!
Bu kəlmələr yaranışdan,
Müqəddəslik məbədinin,
Qibləgahı, zirvəsidir!
Neçə əsr oyanışdan,
Zülümlərin, zillətlərin
Dinən həqiqət səsidir.
Bu zirvəni fəth etməyə,
Sevgi gərək, hünər gərək.
O kəslərin ürəyində vətən eşqi,
Vulkan kimi aşsın, daşsın...
Səni sevən, gərək sənlə qoşalaşsın.
Sinəsini sipər etsin,
Ağır, çətin günlərində.
Yad oğullar doğmalaşsın.
Dağ çəksinlər düşmənlərə.
Yurdumuzda iz qoymağa,
Nərə çəksin bircə kərə,
Yol verməsin yağılara.
Əsrlərlə parçalanmış torpaqları,
Qaytarsınlar öz elinə.
Qərib düşən İrəvanı,
Zəngəzuru, Drbəndimi,
Həsrə gözlü Təbrizimi,
Ozan havalı Göyçəmi...
De, dərdimin hansın deyim...
Birdimi?!
İllərdi düşmənin gözünü oyan
Cavanşirlər yurdu Qarabağımı,
Şikəstənin doğulduğu Şuşamı.
Susan “İsa” bulağımı!
Şəhid qanlı torpaqlarda
Qoy çalınsın cəngi səsi,
Haraylasın vətən üçün,
Candan keçən,vətənsevər oğulları.
Azad edək yağılardan torpaqları.
Düşmənlərdən qisas alaq.
Təmizləyək Xocalının,
Ləkələnmiş yaddaşını.
Əvəzləyək sevinc ilə
Anaların
axan qanlı göz yaşını.
Azərbaycan, ana yurdum,
Türk oğlunun məskənisən!
Qürurunla, hünər göstər,
Qeyrətinlə tarixləri yenilə sən!
Şərəfinlə, şöhrətinlə öyünərək,
Gələcəyə haqq yoluyla,
Zəfər ilə irəlləyək!
Zəfər ilə irəlləyək!
Ğözəl deyilmi?
Hikmətli sevgidən yarandı bəşər,
Günün doğuşundan açılar səhər,
Ana təbiətdir qüsursuz əsər ,
Tanrının naxışı gözəl deyilmi?
Ülvi baxışınla baxsan cahana,
Eşqiylə çağlayan,coşan cavana,
Mənəvi qidadı eşqdən yanana,
Sevənin baxışı gözəl deyilmi?
Daş altda bulağa,bitən mamıra,
Çiçəyin ləçəyi batar çamura,
Bahar günəşiylə yağan yağmura,
Şimşəyin çaxışı gözəl deyilmi?
Göldən ürkək-ürkək ceyran su içər,
Kəklik kol dibindən gizlicə keçər,
Ovçu tələ qurub,ovunu seçər,
Həyatın axışı gözəl deyilmi?
Vətən,səni sevənlərin özü "Vətən".
Yaranışdan "Vətən"bizim özülümüz,
Keçmişimiz,bu günümüz,sabahımız,
Tarixlərin yaddaşında,"Vətən"səni,
Qorumasaq bağışlanmaz günahımız.
"Vətən"sənsiz bu dünyada bizlər kimik?
Qol-qanadı sındırılmış solan gülük,
Düşməninə ovuc açan muhacirik,
Vətənsizin ocağında sönən külük.
"Vətən,səni sevməyəni sən də,sevmə,
Satqınlarla,xainlərlə barışmağa...
"İzin vermə",səni qoyub gedənlərə,
Öləndə də,torpağına qarışmağa...
Daş altında bulağının gözü "Vətən",
Ürəkləri sızıldadan sazı "Vətən",
Xalidənin tükənməyən sözü "Vətən",
"Vətən"səni sevənlərin özü "Vətən".
Baxış sayı: 2 913
Bölməyə aid digər xəbərlər
Tarix: 05-12-2018 20:19 | Bölmə: Ədəbiyyat
Şeytanlar... Tanrıdan alıb
Dünyaya göz açdım bir qış səhəri
Çatanda gecəyə baxıb ağladım.
Mənimlə doğuldu ömrün qəhəri,
Səsimi içimə sıxıb ağladım.
Hələ də danışa bilmirəm dünya,
Arzular qalanıb yanır səssizcə.
Doğrunu danışan dilimi udub,
Sözümü yeyirəm qəmlə gizlicə.
Yalanlar başyeyən Bayquşa dönüb,
Doğrunu göynədən duzuyla yeyir.
Əyninə qaradan don geyindirib,
Başına börk qoyub,böhtanı deyir.
Ümidsiz insana yıxılan dünya,
Boğulan vicdana,boş məzar olub.
Adəm övladını aldadıb çoxdan,
Şeytanlar dünyanı Tanrıdan alıb.
Ana yurdum
Darıxmışam-
uşaqlıq illərinin,
şirin xatirəsinə.
Kəndimizin gecəsinə
hay-haraylı səhərinə...
Sübh çağı oyanıb,
Xoruzun ban səsinə,
pəncərədən yarıyuxulu
boylanıb...
qoyun-quzu mələşməsinə,
Təbiətin ecazkar
nəğməsini duymağa,
çox darıxmışam.
Dağətəyi yaylağınıın,
tər-təmiz havasını,
ciyərimə çəkməyə,
"Qızlar" bulağının...
buz suyundan içməyə,
lap yanıxmışam....
Yaşıl yamaclarında,
kəklikotu, bir də çaşır, bolunu,
baldırğanı, qazayağı, şomunu...
əlimlə yığmağa,
çox darıxmışam...
Ordubad limonu,
Şahbuzun balı,
Sədərək üzümü,
həm də, doşabı,
Şərurun göycəsi,
ərik, şaftalı...
dadını almağa,
çox alışmışam.
Yığışıb təndir başına,
baxmazdıq,
tüstüdən anamın...
yanağında göz yaşına.
Dartışardıq,
bölüşməkçün,
bişirdiyi fətirini, lavaşını...
Yaman darıxmışam
Görməkçün anamın
O müdrik baxışını...
35 illik həyat yollarının ağırlıqlarını
çiyinlərimizdə,əzablarını isə qəlbimizdə
"gülə-gülə" daşıdıq...
"35 illik ömrümüzdən düşən ləçəklərin ağrısına birlikdə məlhəm olduq"
Sevgi ağlayır
Bir sevgi ağlayır içimdə yenə,
Qəhrinə düşübdü ötən illərin.
Söndürüb eşqindən yanan çırağı,
Zülmünə sığınıb itən illərin.
Yol gedir ümidlər zülmətə sarı,
Özümü-özümdə tapa bilmirəm.
Sənli xatirələr didir qəlbimi,
Suallar əlindən qopa bilmirəm.
Ruhuma can verir arzu-diləyim,
Gözümdən məhəbbət axır yaş kimi.
Tablaşmır ürəyim, ürək neyləsin,
Nifrətə sarılıb olub daş kimi.
Yetim uşaq kimi ağlayır sevgim,
Neyləsin ocağı uçub, dağılıb.
Göz yaşı içində sökük divardan,
İslanan şəklimiz asılı qalıb.
Bu nə sirdir İlahi
Nə zaman doğulur nə zaman ölür,
Dərk etmirik bu nə sirdir, İlahi?
Olanda da, öləndə də ağlayır,
Heç bilmirik bu nə sirdir, İlahi?
Kiminin bəxtinə sevinc ələyir,
Kiminsə könlünü qəmə bələyir,
Qismətə,taleyə məğlub eyləyir,
Heç bilmirik bu nə sirrdir, İlahi?
Uşaqlıqda nələr olur bilmirsən,
Cavanlığın yaşa dolur bilmirsən,
Gözəlliyin gül tək solur bilmirsən.
Heç bilmirik bu nə sirrdir,İlahi
Gördüklərin keçmişinə ox olur,
Sevinən az, kədərlənən çox olur,
Bu gün olan, sabah üçün yox olur.
Heç bilmirik bu nə sirrdir,İlahi?
Ruhsuz ömür
Əhdi-peyman etdim bir vəfasıza,
Könlünə adımı yazdığı üçün.
İnandım, güvəndim etibarına,
Ruhuma gizlicə sızdığı üçün.
On altı yaşında sevib, sevildim,
Sanki yer də mənə asiman oldu.
Sevda dənizində üzdüm dalğa tək,
Sonda ümidsizlik bir liman oldu.
Acılı-şirinli günlər yaşadım,
Acılar yolumda pillələr oldu.
Qürurla dərdimi yaşadım, ancaq-
Bu namərd həyatda gör nələr oldu?!
Ən yaxın yolumu uzaq eyləyib,
Bəzədi ömrümü qarla, yağışla.
Könlümdə buzlanan xatirə kimi,
Qırdı ürəyimi soyuq baxışla.
Həsrətə qaladım ümidlərimi,
Könlümün qəhrində solan mən oldum.
Xəyanət ömrümün durdu qəsdinə,
Ruhumu dəfn edib, qalan mən oldum.
Xəyallarımın göz yaşı
Xəyaldan asılı ümidlərimdən,
Sevgisiz həyata nifrət doğulur.
Arzular dalınca qaçan könlümün,
Gözündə boy atan arzu böğulur.
Üçan xəyalımda gizlənir eşqim,
Allanır həyalı utanc yanağım.
Hərdən küskünləşib boynunu bükür,
Hərdən gülüşümə olur qonağım.
Nəmli xəyalımın göz yaşı olur,
Üşüyən ümidin, donan baxışın.
Könüldə silinməz ilmə toxuyur,
Qəlbimi oxşayan sevda naxışın.
Qara xəyallarım azır səmada,
Zülmətə bürünür, dolur buludlar.
Qərib duyğularım göz yaşlarıyla,
Əl atıb içimdə köksümü odlar.
Buludlar içində ötən xəyallar,
Məni uzaqlara aparır yenə.
Bir vüsal soraqlı dərd aşiqi tək,
Məni öz mənimdən qoparır yenə.
Naxçıvanım
Naxçıvanım qeyrət qalam,
Doğma müqəddəs torpağım.
Qərinələr yaddaşısan,
Məğrur, bölünməz oylağım.
Ayna gözlü “Zorbulağın”,
“Əlincən” alınmaz qala.
Batabatın havasında,
Könül istər yata, qala.
Əshabi-Kəhf məbəd yerin,
Daşlarından şəfa damar.
Ümidlərlə qovuşanda,
Dərdlilər əlacın tapar.
Mirzə Cəlil hər daşında,
Qopan haqqın sədasıdı.
Məmməd Said Ordubadi,
Nəsrimizin nidasıdı.
Vətəniylə qucaqlaşan,
Cavidin həsrət gözüsən.
Məmməd Araz dühasının,
Şah əsəri, şah sözüsən.
Möminə-Xatun türbəsi,
Hüsnünə bir yaraşıqdı.
Qürbətdə Təbriz elinə,
Şərqdən boylanan işıqdı.
Hər an səni didib udan,
Düşmənlərə göz dağısan.
Unutmasın düşmənlərin,
Nuh Peyğəmbər ocağısan.
Xalidəyəm, hər an sənin,
Sevgin ilə yaşayıram.
Səndən aldığım qüruru,
Fəxarətlə daşıyıram.
Canlı ölüyük
Ömrün pilləsinə uşaq yaşımdan,
Əzabla qalxmağa tək öyrənmişəm.
Namərdlər əlindən çox yara alıb,
Qalxdığım zirvədən hərdən enmişəm.
Əzəldən çətinlik olub qismətim,
Niyyətim hər zaman düzə yönəlib.
Düşən anlarımda mənə gülənin,
Qalxanda gülüşü qəmə bələnib.
Yaxşını-yamanı tanıyım deyə,
Min kərə oyulub könül oylağım.
Qoymadım qürurum başını əyə,
Dar gündə Allahım, olub dayağım.
Bəlkə də, dünyanın çatıbdı sonu,
Nə qədər günahıq ,günah yüklüyük.
Nəfsiylə boğulan Şeytan xislətli,
İnsanlıq öldürən canlı ölüyük.
Oğul gərək
Vətənimi qorumağa-
Mübariz tək məğrur, qorxmaz,
Əsrlərlə yaddan çıxmaz,
Damarında,
qanla qoşa qeyrət axan,
Tapdaq "Vətən"torpağında,
Şimşək kimi alov çaxan,
İldırım tək parçalayan,
Oğul gərək!
Vətənimi qorumağa-
Arxasına dönüb baxmaz,
Vətəninin şərəfinə qara yaxmaz,
Həyatını qurban verən,
Qüruruyla, hünəriylə,
Hər əzaba sinə gərən,
Düşmənin murdar izini,
Öz qanıyla daşdan silən,
Fərid kimi paralayan,
Oğul gərək!
Vətənimi qorumağa-
Soy -kökündən əsla dönməz,
Tarixlərin yaddaşında heç vaxt ölməz,
Milyonları bir ürəkdə qovuşduran,
Ocağında qora dönüb alışdıran,
Vətənimdən ayrı düşən,
Ulduzları barışdıran,
Öz canını ana yurdun
Torpağına qarışdıran,
Vətən üçün ölümüylə qürurlanan,
Oğul gərək!
Divanə tək
Sənlə keçən günlərimi,
Vərəq-vərəq yada salır,
Ağlayıram için-için.
Göz yaşlarım süzülərək,
döyəcləyir kipriyimi,
Dağ qoynunu yarıb gələn,
Sərt daşlara dəyə-dəyə,
İntihara sürüklənən,
Şəlalə tək...
Arıyıram tapmaq üçün,
Bölüşərək ah-zarımı,
Səssizlikdə inildəyən,
fəryadımı
Kam almayan,tənhalaşan,
Sən olmayan,
öz dünyamı,
Çiliklənən...
Biçarə tək...
Yalvarıram "Allah"ıma
Həyatımdan atmaq üçün,
Keçmişimi,
Qəlbi didən saxta üzü,
Ögey baxışlı gözləri,
Yaddaşımdan qara izi
Tonqal quram,cayır-cayır,
Mən yandıram,
Sevdasından dəli olan,
Divanə tək...
Azərbaycan
Azərbaycan, ana yurdum!
Bu kəlmələr yaranışdan,
Müqəddəslik məbədinin,
Qibləgahı, zirvəsidir!
Neçə əsr oyanışdan,
Zülümlərin, zillətlərin
Dinən həqiqət səsidir.
Bu zirvəni fəth etməyə,
Sevgi gərək, hünər gərək.
O kəslərin ürəyində vətən eşqi,
Vulkan kimi aşsın, daşsın...
Səni sevən, gərək sənlə qoşalaşsın.
Sinəsini sipər etsin,
Ağır, çətin günlərində.
Yad oğullar doğmalaşsın.
Dağ çəksinlər düşmənlərə.
Yurdumuzda iz qoymağa,
Nərə çəksin bircə kərə,
Yol verməsin yağılara.
Əsrlərlə parçalanmış torpaqları,
Qaytarsınlar öz elinə.
Qərib düşən İrəvanı,
Zəngəzuru, Drbəndimi,
Həsrə gözlü Təbrizimi,
Ozan havalı Göyçəmi...
De, dərdimin hansın deyim...
Birdimi?!
İllərdi düşmənin gözünü oyan
Cavanşirlər yurdu Qarabağımı,
Şikəstənin doğulduğu Şuşamı.
Susan “İsa” bulağımı!
Şəhid qanlı torpaqlarda
Qoy çalınsın cəngi səsi,
Haraylasın vətən üçün,
Candan keçən,vətənsevər oğulları.
Azad edək yağılardan torpaqları.
Düşmənlərdən qisas alaq.
Təmizləyək Xocalının,
Ləkələnmiş yaddaşını.
Əvəzləyək sevinc ilə
Anaların
axan qanlı göz yaşını.
Azərbaycan, ana yurdum,
Türk oğlunun məskənisən!
Qürurunla, hünər göstər,
Qeyrətinlə tarixləri yenilə sən!
Şərəfinlə, şöhrətinlə öyünərək,
Gələcəyə haqq yoluyla,
Zəfər ilə irəlləyək!
Zəfər ilə irəlləyək!
Ğözəl deyilmi?
Hikmətli sevgidən yarandı bəşər,
Günün doğuşundan açılar səhər,
Ana təbiətdir qüsursuz əsər ,
Tanrının naxışı gözəl deyilmi?
Ülvi baxışınla baxsan cahana,
Eşqiylə çağlayan,coşan cavana,
Mənəvi qidadı eşqdən yanana,
Sevənin baxışı gözəl deyilmi?
Daş altda bulağa,bitən mamıra,
Çiçəyin ləçəyi batar çamura,
Bahar günəşiylə yağan yağmura,
Şimşəyin çaxışı gözəl deyilmi?
Göldən ürkək-ürkək ceyran su içər,
Kəklik kol dibindən gizlicə keçər,
Ovçu tələ qurub,ovunu seçər,
Həyatın axışı gözəl deyilmi?
Vətən,səni sevənlərin özü "Vətən".
Yaranışdan "Vətən"bizim özülümüz,
Keçmişimiz,bu günümüz,sabahımız,
Tarixlərin yaddaşında,"Vətən"səni,
Qorumasaq bağışlanmaz günahımız.
"Vətən"sənsiz bu dünyada bizlər kimik?
Qol-qanadı sındırılmış solan gülük,
Düşməninə ovuc açan muhacirik,
Vətənsizin ocağında sönən külük.
"Vətən,səni sevməyəni sən də,sevmə,
Satqınlarla,xainlərlə barışmağa...
"İzin vermə",səni qoyub gedənlərə,
Öləndə də,torpağına qarışmağa...
Daş altında bulağının gözü "Vətən",
Ürəkləri sızıldadan sazı "Vətən",
Xalidənin tükənməyən sözü "Vətən",
"Vətən"səni sevənlərin özü "Vətən".
Baxış sayı: 2 913
Bölməyə aid digər xəbərlər
1-08-2026, 11:45
Nəriman Həsənzadə vəfat etdi
29-06-2026, 13:54
Lütviyyə Əsgərzadənin Cəlal Bərgüşad haqda yazdığı kitabın təqdimatı keçirilib-VİDEO+FOTOLAR
4-06-2026, 22:30
Sumqayıtda Mikayıl Müşfiqin doğum günü keçirilib.-VİDEO+FOTOLAR
1-06-2026, 18:19
Poltava rus dilində kitabları, filmləri və tamaşaları qadağan edib
6-05-2026, 20:50
Şair və musiqiçi hosteldə ölü tapılıb
6-05-2026, 01:11
Sənət dastanı
25-04-2026, 10:02
Mənimdir -Vüqar Əhməd
16-04-2026, 23:32
ELM VƏ SÖZÜN ZİRVƏSİNDƏ: VÜQAR ƏHMƏD – 63
5-04-2026, 10:42
SƏMƏD VURĞUN YARADICILIĞINDA ZAMAN VƏ MƏKAN DƏRDİ
2-04-2026, 21:14
Rus yazıçısı Monteneqroda vəfat edib
19-03-2026, 16:43
Sumqayıtda Sabir Sarvanın 70 illik yubileyi keçirilib-VİDEO+FOTOLAR
3-03-2026, 11:44
NOVRUZ GÜNLƏRİNDƏ YENİ NOVRUZ KİTABI
18-02-2026, 17:52
Prezidentlə xanımı Nəriman Həsənzadəni təbrik etdi
2-02-2026, 21:16
“İnsanı sevməyi səndən öyrəndim...”
2-02-2026, 16:33
Yazıçının evi qarət edilib
17-12-2025, 22:31
Ədəbiyyatşünas-alim Asiya Elmlər Akademiyasına üzv seçilib
27-10-2025, 17:07
ŞAMİL ƏNVƏROĞLUNUN YENİ KİTABLARININ TƏQDİMATI KEÇİRİLİB-VİDEO+FOTOLAR
1-10-2025, 15:32
Məhkəmə yazıçını qiyabi olaraq 7 il müddətinə azadlıqdan məhrum edib
16-09-2025, 15:30
Azərbaycan və Birləşmiş Ərəb Əmirliklərinin prezidentləri Şuşada Azərbaycanın tanınmış şəxsiyyətlərinin güllələnmiş heykəllərinə baxıblar
12-09-2025, 19:34
Ədliyyə Nazirliyi yazıçı Topol və daha üç nəfəri xarici agentlərin reyestrinə daxil edib
25-08-2025, 18:34
HÜSEYN ARİFLƏ İSMAYIL İMANZADƏNİN CƏBRAYIL SƏRGÜZƏŞTLƏRİ
12-08-2025, 23:11
Haqqdan yanan çıraq- Vüqar Vüqarlı-70
31-07-2025, 16:40
Mirzə Ələkbər Sabir Fondu növbəti layihəsinə yekun vurub
17-07-2025, 08:33
Lev Tolstoyun şəxsi əşyaları ilk dəfə Saxalində təqdim olunacaq
15-06-2025, 20:02
Sumqayıtda şairə-jurnalist İlhamə Məhəmmədqızının 55 illik yubileyi qeyd olundu-VİDEO+FOTOLAR
11-06-2025, 11:03
38 yaşlı şairə vəfat edib
3-06-2025, 07:39
DƏYƏRLİ ŞAİRİN YENİ SÖZ SOVQATI- TARİYEL ABBASLI
31-05-2025, 16:06
Sumqayıtda şair Rafiq Yusifoğlunun 75 illik yubileyinə həsr olunmuş ədəbi bədii gecə keçirildi-VİDEO+FOTOLAR
31-05-2025, 15:15
Ukraynada ABŞ yazıçısının 30 min kitabı rus mafiyasını “romantikləşdirdiyinə” görə məhv edilib
17-05-2025, 18:21
Türkiyə Ədəbiyyat Vəqfi Sumqayıtda-Kitab təqdimatı və mükafatlandırma-VİDEO+FOTOLAR
9-05-2025, 10:00
Azərbaycan Hərb Tarixi Muzeyində “Böyük Qələbənin varisləri” kitabının təqdimatı keçirilib
8-05-2025, 23:12
"Azərbaycan" jurnalının kollektivi oxucularla görüşüb-VİDEO+FOTOLAR
7-05-2025, 10:44
Sumqayıt şəhərində Güləmail Muradın "Beş Ulduz" adlı kitabının təqdimatı keçirilib-VİDEO+FOTOLAR
2-05-2025, 10:58
ŞAHLAR GÖYTÜRKÜN ALİM – ŞAİR– VƏTƏNDAŞ MİSSİYASI-Vüqar Əhməd
18-04-2025, 00:01
Miraslan Rasimi də itirdik-Namiq MƏMMƏDLİ
16-04-2025, 23:50
Ədalət Əroğlunun doğum gününü təbrik edirəm!
16-04-2025, 22:31
Şair və ədəbiyyatşünas Konstantin Kedrov vəfat edib
9-04-2025, 09:10
Qahirədə seminar: Azərbaycan alimləri ərəb dilinin inkişafına böyük töhfələr veriblər
17-03-2025, 11:15
MƏZARSIZ QƏHRƏMAN-Xaqani Abbasəli ÖZTÜRK
16-03-2025, 02:44
Sumqayıtda şair Məmməd İlqarın 75 illik yubileyi keçirilib-VİDEO+FOTOLAR
12-03-2025, 22:08
Elmin təhsilə inteqrasiyası istiqamətində növbəti mühazirə oxunub
2-03-2025, 22:59
Sumqayıt şəhərində Natəvan Dəmirçioğlunun "Açar" romanının təqdimatı keçirilib-VİDEO+FOTOLAR
25-02-2025, 13:05
Sumqayıt şəhərində deputatın kitabının təqdimatı keçirilib-VİDEO+FOTOLAR