19:48 / 19-05-2022
Yoluxanların sayı artdı
95 yaşlı Vidadi Babanlı onu kimlərin təbrik etməsini istədi?
Tarix: 06-01-2022 00:34 | Bölmə: Ədəbiyyat


Əsərlərini xalqın dili ilə qələmə alan usta nasir Vidadi Babanlının doğum günüdür bu gün. Balaca, bər-bəzəyi kitablar olan bir otaqda qarşıladı bizi xalqın yazıçısı. Saçım ağarsa, yaşım çox olsa da, ürəyim əvvəlki tək alovludur deyir yazıçı. Gözlərinin zəif görməsi belə ona yeni bir əsər yaratmağa maneəçilik törədə bilməyib. O, ömrünün 95-ci baharında əlinə qələm almadan, diktə ilə yeni bir əsər "Sabaha ismarıc" romanını yazır: “Bir il də yaşamaq istəyərdim. Bu son əsərim var, “Sabaha İsmarıc”. Bu əsərimin böyük uğur qazanmasını istəyirəm. Arzulayıram ki, bu əsər daha geniş yayılsın. ”Vicdan Susanda”dan da daha geniş yayıla bilsin. Bu əsərə serial çəkilsin, ölkə xaricində də tanınsın”.
Yaşının çoxluğu sağlamlığını kölgədə qoyduğu üçün bu otaqdan kənara çıxa bilmir, 95-ci ilini də elə kitabları ilə bir yerdə qarşılayır qocaman yazar.
Vidadi Babanlının əsərləri nəinki Azərbaycanda, ölkə hüdudlarını aşaraq dünyanın dörd bir yerində milyonlarla oxucunun ürəyini fəth edib. Həqiqəti oxuculara özünəməxsus şəkildə çatdırmaq bacarığı, həm onun özünə, həm də əsərlərinə olan sevgini ildən-ilə daha da coşdurub. 95 illik yubileyini qeyd edən tanınmış yazıçı, bədii yaradıcılığa nəzmlə başlasa da, yaradıcılığı dövründə "Gəlin" povestindən başlayaraq "Bulanıq dünya" povestinədək - "Ana intiqamı", "Müqəddəs ocaq", "Ömürlük əzab", "Həyat bizi sınayır", "İnsaf nənə", "Vicdan susanda" və “Sabaha ismarıc” kimi nəsr əsərləri ilə bütöv bir xəzinə yaradıb.
Xalq yazıçısı tituluna sahib olmasa da, xalqın ürəyində öz taxtını çoxdan qurub qocaman yazar. 95-ci ilin mübarək olsun, dilindən kəlamın, əlindən qələmin əskik olmasın xalqın yazıçısı!

Apa.tv
             


Baxış sayı: 187


Bölməyə aid digər xəbərlər
15-04-2022, 11:23 Miraslan Rasim-Şeirlər
27-02-2022, 16:15 Ramiz Təmkin vəfat etdi
17-02-2022, 14:24 Ənvər Əhməd vəfat etdi